الماتىدا «ءتىل شەبەرى» قالالىق بايقاۋى وتەدى

    بيفات ەلتايەۆا
    الماتىدا «ءتىل شەبەرى» قالالىق بايقاۋى وتەدى فوتو: اۆتور

    الماتى قالاسىندا 2026 جىلعى 1 جەلتوقسان كۇنى مەملەكەتتىك مەكەمە قىزمەتكەرلەرى مەن جوعارى وقۋ ورىندارى جاستارى اراسىندا قازاق، ورىس جانە اعىلشىن تىلدەرىن جەتىك مەڭگەرگەن ۇزدىك قاتىسۋشىلاردى انىقتاۋعا باعىتتالعان «ءتىل شەبەرى» قالالىق بايقاۋى وتەدى.
    بايقاۋ الماتى قالاسى ىشكى ساياسات باسقارماسىنىڭ تاپسىرىسىمەن «حالىقارالىق «قازاق ءتىلى» قوعامى» قوعامدىق بىرلەستىگىنىڭ الماتى قالالىق فيليالىنىڭ ۇيىمداستىرۋىمەن وتكىزىلەدى.
    بايقاۋدىڭ ماقساتى – مەملەكەتتىك مەكەمە قىزمەتكەرلەرى مەن جوعارى وقۋ ورىندارى جاستارىنىڭ قازاق، ورىس جانە اعىلشىن تىلدەرىن مەڭگەرۋگە دەگەن قىزىعۋشىلىعىن ارتتىرۋ، تىلدىك قۇزىرەتتىلىگىن دامىتۋ، ءتىل مادەنيەتىن جەتىلدىرۋ جانە كوپتىلدى تۇلعانىڭ كاسىبي ءارى جەكە دامۋىنا ىقپال ەتۋ.
    بايقاۋعا الماتى قالاسىنداعى مەملەكەتتىك مەكەمەلەردىڭ قىزمەتكەرلەرى مەن جوعارى وقۋ ورىندارىنىڭ ستۋدەنتتەرى قاتىسا الادى.
    بايقاۋ ءۇش كەزەڭنەن تۇرادى: ءى كەزەڭ – «ءسوزتانىم» (قازاق تىلىندە)، ءىى كەزەڭ – «ەلتانىم» (ورىس تىلىندە)، ءىىى كەزەڭ – «ويتانىم» (اعىلشىن تىلىندە). 
    قاتىسۋشىلاردىڭ ءبىلىمى مەن شەبەرلىگىن قازىلار القاسى باعالاپ، جەڭىمپازدار سول كۇنى انىقتالادى. ۇزدىك دەپ تانىلعان قاتىسۋشىلار مەن ولاردىڭ جۇمىستارى تۋرالى اقپارات بۇقارالىق اقپارات قۇرالدارىندا كەڭىنەن ناسيحاتتالىپ، بايقاۋ ناتيجەلەرى ينتەرنەت-رەسۋرستار مەن مەرزىمدى باسىلىمداردا جاريالانادى.
    ءىس-شاراعا مەملەكەتتىك قىزمەتشىلەر، اقىن-جازۋشىلار، ونەر قايراتكەرلەرى، ساياسي پارتيالار مەن ۇكىمەتتىك ەمەس ۇيىمداردىڭ وكىلدەرى، ب ا ق تىلشىلەرى، قالا تۇرعىندارى، ستۋدەنت جاستار مەن وقۋشىلار شاقىرىلادى.
    اتالعان جوبا كوپتىلدىلىك مادەنيەتىن قالىپتاستىرۋعا، قازاق، ورىس جانە اعىلشىن تىلدەرىن مەڭگەرۋ داعدىلارىن جەتىلدىرۋگە، سونداي-اق ءۇش ءتىلدى ەركىن مەڭگەرىپ، ولاردى كاسىبي قىزمەتىندە ءتيىمدى قولدانا بىلەتىن بىلىكتى مامانداردى انىقتاۋعا، قولداۋعا جانە ىنتالاندىرۋعا باعىتتالعان.
    وتەتىن ورنى مەن ۋاقىتى: 2026 جىلعى 1 جەلتوقسان ساعات 10:00 (قاتىسۋشىلاردى تىركەۋ 09:30-دا باستالادى)، الماتى قالاسى، دوستىق داڭعىلى، 13، م. اۋەزوۆ اتىنداعى №102 كونفەرەنس-زال.
    ءوتىنىم قابىلداۋ مەرزىمى: 2026 جىلعى 27 قاراشاعا دەيىن kazqogamyalmaty@gmail.com، qazaq.tilshehiri2026@gmail.com (بوتا باكىتجانوۆنا) ەلەكتروندى پوشتاسى ارقىلى. 
    بايلانىس تەلەفونى: +7 701 664 2721
    ۇيىمداستىرۋشىلاردىڭ رەسمي پاراقشالارى:
    الماتى قالاسى ىشكى ساياسات باسقارماسى تىلدەردى دامىتۋ جانە ونوماستيكا ءبولىمى:
    Instagram: @almaty_til
    «حالىقارالىق «قازاق ءتىلى» قوعامى» قوعامدىق بىرلەستىگىنىڭ الماتى قالالىق فيليالى:
    Instagram: @almaty_qazaq_tili_qogamy
    TikTok: @almaty_qazaq_tili_qogamy
    YouTube: @almaty_qazaq_tili_qogamy

    قاتىستى ماقالالار