الماتى قالاسىندا مەملەكەتتىك تىلدە جارناما جانە كورنەكى اقپارات ماتىندەرىن ازىرلەيتىن كوپيرايتەرلەر مەن اۋدارماشىلار اراسىندا «كورنەكى اقپارات – كوركەم ءتىل» قالالىق بايقاۋى وتەدى.
بايقاۋ الماتى قالاسى ىشكى ساياسات باسقارماسىنىڭ تاپسىرىسىمەن «حالىقارالىق «قازاق ءتىلى» قوعامى» قوعامدىق بىرلەستىگىنىڭ الماتى قالالىق فيليالىنىڭ ۇيىمداستىرۋىمەن وتكىزىلەدى.
بايقاۋدىڭ ماقساتى – جارناما جانە كورنەكى اقپارات سالاسىندا مەملەكەتتىك ءتىلدىڭ قولدانىلۋ اياسىن كەڭەيتۋ، قازاق تىلىندەگى ماتىندەردىڭ ساۋاتتىلىعى مەن كوركەمدىك ساپاسىن ارتتىرۋ، كاسىبي كوپيرايتەرلەر مەن اۋدارماشىلاردىڭ شىعارماشىلىق ەڭبەگىن قولداۋ جانە ۇزدىك تاجىريبەلەرىن ناسيحاتتاۋ.
بايقاۋعا الماتى قالاسىندا تىركەلگەن نەمەسە قىزمەت اتقاراتىن كاسىپكەرلىك سۋبەكتىلەرىنىڭ، جارناما اگەنتتىكتەرىنىڭ، مەكەمەلەر مەن ۇيىمداردىڭ كوپيرايتەرلەرى جانە اۋدارماشىلارى قاتىسا الادى.
بايقاۋعا بۇرىن جاريالانباعان نەمەسە وزگە بايقاۋلاردا جۇلدەلى ورىن الماعان اۆتورلىق جۇمىستار، جارنامالىق جانە كورنەكى اقپارات ماتىندەرى، ونىڭ ىشىندە ماڭدايشالار، باننەرلەر، بيلبوردتار، اقپاراتتىق تاقتالار، باسپا، بەينە جانە اۋديوجارناما، الەۋمەتتىك جەلىلەر مەن ينتەرنەت-رەسۋرستارعا ارنالعان جارناما ۇلگىلەرى قابىلدانادى.
بايقاۋ ونلاين فورماتتا ءۇش كەزەڭ بويىنشا وتكىزىلەدى:
1. ءبىرىنشى كەزەڭ – وتىنىمدەر مەن بايقاۋ جۇمىستارىن قابىلداۋ، ولاردىڭ بەلگىلەنگەن تالاپتارعا سايكەستىگىن تەكسەرۋ.
2. ەكىنشى كەزەڭ – جۇمىستاردى ساراپتاۋ جانە باعالاۋ. ۇسىنىلعان ماتىندەردىڭ تىلدىك ساۋاتتىلىعى، مازمۇنى، كوركەمدىك ساپاسى مەن شىعارماشىلىق ەرەكشەلىگى باعالانادى.
3. ءۇشىنشى كەزەڭ – قورىتىندىلاۋ جانە جەڭىمپازداردى ماراپاتتاۋ. قازىلار القاسىنىڭ شەشىمى نەگىزىندە ۇزدىك جۇمىستار انىقتالادى.
بايقاۋدىڭ جالپى جۇلدە قورى – 1 000 000 تەڭگە. جەڭىمپازدار مەن جۇلدەگەرلەر ق ر مەملەكەتتىك ءتىل ساياساتىن ىسكە اسىرۋ اياسىندا وتكىزىلگەن كونكۋرس جەڭىمپازدارىن ماراپاتتاۋ راسىمىندە ديپلومدارمەن مەن اقشالاي سىيلىقتارمەن ماراپاتتالادى.
وتىنىمدەردى قابىلداۋ مەرزىمى: 2026 جىلعى 24 قاراشاعا دەيىن.
ماراپاتتاۋ ءراسىمى وتەتىن كۇنى: 2026 جىلعى 9 جەلتوقسان
ماراپاتتاۋ ءراسىمى وتەتىن ورنى: الماتى قالاسى، تولە بي كوشەسى، 86، اكت زالى.
ەلەكتروندىق پوشتا: kazqogamyalmaty@gmail.com
بايلانىس تەلەفونى: +7 701 664 2721.