9 قاڭتار كۇنى قازاقستاننىڭ 15 وبلىسىندا داۋىلدى ەسكەرتۋ كۇشىنە ەنەدى. كوپتەگەن وڭىرلەردە تۇمان ءتۇسىپ، جولداردا كوكتايعاق پايدا بولادى. كەي جەرلەردە جەلدىڭ جىلدامدىعى سەكۋندىنا 15-20 مەترگە دەيىن جەتۋى مۇمكىن.
تۇنگى جانە تاڭعى مەزگىلدە اتىراۋ، ماڭعىستاۋ، سولتۇستىك قازاقستان جانە باتىس قازاقستان وبلىستارىندا اۋا رايىنىڭ قولايسىزدىعى كۇشەيەدى دەپ بولجانۋدا. كەيبىر ايماقتاردا بۇرقاسىن سوعىپ، ازداعان قار جاۋۋى ىقتيمال.
سونداي-اق پاۆلودار، قاراعاندى، تۇركىستان، الماتى وبلىستارىندا، ۇلىتاۋ، اباي، اقتوبە، اقمولا، قوستاناي، قىزىلوردا جانە جەتىسۋ وڭىرلەرىندە تۇمان كۇتىلەدى.
قولايسىز اۋا رايى الماتى، شىمكەنت، قاراعاندى، اتىراۋ، ورال، پەتروپاۆل، قونايەۆ، جەزقازعان جانە اقتاۋ قالالارىندا دا بايقالۋى مۇمكىن.
