ارمان قىرىقبايەۆ ازەربايجاننىڭ قازاقستانداعى ەلشىسى اليميرزامين اسكەروۆپەن كەزدەستى

    اسەل بولات قىزى
    ارمان قىرىقبايەۆ ازەربايجاننىڭ قازاقستانداعى ەلشىسى اليميرزامين اسكەروۆپەن كەزدەستى فوتو:

    قازاقستان رەسپۋبليكاسىنىڭ مادەنيەت جانە اقپارات ءمينيسترى ارمان قىرىقبايەۆ ازەربايجان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى اليميرزامين اسكەروۆپەن كەزدەستى.

    كەزدەسۋدە تاراپتار مادەنيەت، مۋزەي ءىسى، بۇقارالىق اقپارات قۇرالدارى مەن كرەاتيۆتى يندۋستريا سالالارىنداعى ىنتىماقتاستىقتى دامىتۋ جونىندە پىكىر الماستى.

    ارمان قىرىقبايەۆ ەلشىنى قىزمەتكە تاعايىندالۋىمەن قۇتتىقتاپ، قازاقستان مەن ازەربايجان اراسىنداعى تاريحي، مادەني جانە باۋىرلاستىق بايلانىستار ەكىجاقتى ىنتىماقتاستىقتىڭ بەرىك نەگىزى ەكەنىن اتاپ ءوتتى.

    تاراپتار مادەني-گۋمانيتارلىق بايلانىستى ودان ءارى نىعايتۋعا ەرەكشە نازار اۋداردى. اتاپ ايتقاندا، ەكى ەلدىڭ مادەنيەت كۇندەرىن وتكىزۋ، مۋزەي جانە كورمە جوبالارىن جۇزەگە اسىرۋ، كرەاتيۆتى يندۋستريا سالاسىندا تاجىريبە الماسۋ ماسەلەلەرىن تالقىلادى.

    سونداي-اق ازەربايجان رەسپۋبليكاسىنىڭ پرەزيدەنتى يلحام الييەۆتىڭ 2025 جىلعى قازاندا قازاقستانعا جاساعان مەملەكەتتىك ساپارى كەزىندە جوعارى دەڭگەيدە قول جەتكىزىلگەن ۋاعدالاستىقتارعا سايكەس 2026-2028 جىلدارعا ارنالعان مادەني ىنتىماقتاستىق باعدارلاماسىن ازىرلەۋ بارىسى ءسوز بولدى.

     

    ق ر مادەنيەت جانە اقپارات مينيسترلىگىنىڭ باسپا ءسوز قىزمەتى

    قاتىستى تەگتەر :

    قاتىستى ماقالالار