جۇڭگو بيلىگى ءالىمنۇر تۇرعانبايدىڭ ۇستالعانىن راستادى، دەپ حابارلايدى ازاتتىق راديوسى. بۇعان دەيىن ءالىمنۇر تۇرعانبايدىڭ ايەلى ونىڭ قىتايعا بارىپ، جوعالىپ كەتكەنىن حابارلاپ، قازاقستان بيلىگىنەن كومەك سۇراعان ەدى.
جۇڭگو جاعى قازاقستان بيلىگىنە جولداعان جاۋابىندا ءالىمنۇر تۇرعانبايدىڭ ءالى دە جۇڭگو ازاماتى ەكەنىن، قىتايدا قوس ازاماتتىق تانىلمايتىندىعىن اتاپ وتكەن. جۋىردا قازاقستاننىڭ قىتايداعى كونسۋلدىعىنان جاۋاپ العان ءالىمنۇر تۇرعانبايدىڭ ايەلى گۇلداريا شەريزات ازاتتىققا كونسۋلدىقتىڭ بەرگەن جاۋابىن كورسەتتى.
"قىتايلىق تاراپپەن وتكىزىلگەن ءتيىستى كەلىسسوزدىڭ ناتيجەلەرى بويىنشا 2025 جىلدىڭ 11 تامىزىندا جۇڭگو قوعامدىق قاۋىپسىزدىك مينيسترلىگى حالىقارالىق ىنتىماقتاستىق باسقارماسى قىتايدىڭ “ازاماتتىق تۋرالى” زاڭىنىڭ ەرەجەلەرىنە سايكەس، ءالىمنۇر تۇرعانباي جۇڭگو ازاماتتىعىنان شىعۋعا رۇقسات الماعانىن جانە جۇڭگو ازاماتتىعىنان اۆتوماتتى تۇردە ايىرىلۋ شارتتارىنا سايكەس كەلمەيتىنىن حابارلادى. وسىعان بايلانىستى ول ءالى كۇنگە دەيىن قحر ازاماتى مارتەبەسىن ساقتاپ وتىرعانىن جەتكىزىپ، قىتايدا قوس ازاماتتىق تانىلمايتىندىعىن اتاپ وتكەنىن جەتكىزەمىز” دەپ جازىلعان كونسۋلدىق جاۋابىندا.
