بۇل كەزدەسۋدىڭ نەگىزگى ماقساتى – ۇلى ويشىلدىڭ رۋحاني مۇراسىن كەڭىنەن ناسيحاتتاپ، ستۋدەنتتەر مەن جاس عالىمداردى عىلىمعا، ىزدەنىسكە، جاڭا يدەيالارعا ىنتالاندىرۋ.
ءىس-شارا بارىسىندا ءال-فارابيدىڭ الەمدىك وركەنيەت ءۇشىن ماڭىزىن ايقىندايتىن ەڭبەكتەرى، ونىڭ فيلوسوفيالىق وي-تولعامدارى، پاراسات پەن ىزگىلىكتى تۋ ەتكەن دۇنيەتانىمى كەڭىنەن تالقىلاندى. ءال-فارابي – تەك ءوزىنىڭ داۋىرىندە عانا ەمەس، قازىرگى سيفرلىق ترانسفورماسيا كەزەڭىندە دە ادامزاتتىڭ رۋحاني باعدارىن ايقىنداۋشى كەمەڭگەر. ونىڭ راسيونالدىق ويلاۋدى، ءبىلىم مەن ادامگەرشىلىكتى ۇيلەستىرگەن يدەيالارى ءححى عاسىردا گۋمانيزم مەن ينتەللەكتۋالدىق مادەنيەتتىڭ نەگىزىنە اينالۋدا.
كەزدەسۋگە ۋنيۆەرسيتەتتىڭ جەتەكشى پروفەسسور-وقىتۋشىلارى، دوكتورانتتار، ماگيسترانتتار، سونداي-اق «فارابيتانۋ» باعىتى بويىنشا عىلىمي زەرتتەۋ جۇرگىزىپ جۇرگەن جاس عالىمدار قاتىستى. شارانى «ءال-فارابي» عىلىمي-زەرتتەۋ ورتالىعى مەن ۋنيۆەرسيتەتتىڭ عىلىمي-يننوۆاسيالىق قىزمەت جونىندەگى دەپارتامەنتى بىرلەسە ۇيىمداستىردى. جيىندا «فارابيتانۋدىڭ» قازىرگى عىلىمي باعىتتارى، ويشىلدىڭ فيلوسوفيالىق، پەداگوگيكالىق جانە الەۋمەتتىك كوزقاراستارىنىڭ زاماناۋي عىلىممەن بايلانىسى جان-جاقتى تالداندى.
«ءال-فارابي» عىلىمي-زەرتتەۋ ورتالىعىنىڭ ديرەكتورى، ساياساتتانۋ عىلىمدارىنىڭ كانديداتى، قاۋىمداستىرىلعان پروفەسسور پىرىمبەك مۇحانبەت ۇلى سۇلەيمەنوۆ ءوز سوزىندە: «فارابي مۇراسى – تەك وتكەننىڭ جادىگەرى ەمەس، ول – بۇگىنگى جانە بولاشاق ۇرپاقتىڭ رۋحاني جانە عىلىمي باعدارشامى. ۋنيۆەرسيتەتىمىزدىڭ ميسسياسى – وسى مۇرانى زاماناۋي عىلىممەن ۇشتاستىرا وتىرىپ، ءبىلىم مەن مادەنيەتتىڭ جاڭا كوكجيەگىن اشۋ»، - دەپ اتاپ ءوتتى.
كەزدەسۋ بارىسىندا قاتىسۋشىلار فارابي ەڭبەكتەرىن زەرتتەۋدەگى تاجىريبەلەرىمەن ءبولىسءتى. وسىنداي اۋقىمدى ءارى ماڭىزدى شارانىڭ وتكىزىلۋى – ۋنيۆەرسيتەتتىڭ ءوز ميسسياسىنا، ياعني ۇلى عالىمنىڭ يدەيالارىن زەرتتەۋ، دارىپتەۋ جانە ومىرگە ەنگىزۋ ۇستانىمىنا ادالدىعىنىڭ كورىنىسى. بۇل كەزدەسۋ جاس ۇرپاقتىڭ عىلىمعا دەگەن قىزىعۋشىلىعىن ارتتىرىپ، رۋحاني ساباقتاستىقتى نىعايتىپ قانا قويماي، «فارابيتانۋ» ءىلىمىن الەمدىك دەڭگەيگە شىعارۋعا جاڭا سەرپىن بەرەدى.
ءال-فارابي اتىنداعى قازاق ۇلتتىق ۋنيۆەرسيتەتى
فيلوسوفيا جانە ساياساتتانۋ فاكۋلتەتىنىڭ
پەداگوگيكا جانە ءبىلىم بەرۋ مەنەدجمەنتى كافەدراسىنىڭ 2 كۋرس دوكتورانتى اميركانوۆ م.ب.
