وقيعا ورنىنان تۇسىرىلگەن فوتوسۋرەتتەر Threads الەۋمەتتىك جەلىسىندە جاريالاندى. كادرلاردان عيمارات شاتىرىنىڭ ەداۋىر بولىگى بولشەكتەلىپ، قۇرىلىمنىڭ ىشىنە قۇلاعانىن كورۋگە بولادى. سونداي-اق جەلىدە وقيعا بولۋى مۇمكىن ءسات تۇسىرىلگەن تۇنگى كادرلار دا تارادى.
قازۇۋ الماتىداعى ۋ.ا. جولداسبەكوۆ اتىنداعى ستۋدەنتتەر سارايىنىڭ شاتىرىنىڭ وپىرىلعانى تۋرالى جاريالانىمعا پىكىر ءبىلدىردى. الايدا ۋنيۆەرسيتەت وكىلدەرى رەكونسترۋكسيا كەزىندە شاتىردىڭ ناقتى قانداي سەبەپپەن قۇلاعانىن جانە جۇمىستاردى قاي ۇيىم جۇرگىزىپ جاتقانىن ناقتىلامادى.
ۋنيۆەرسيتەت مالىمەتىنشە، عيمارات بۇعان دەيىن قۇرىلىس نورمالارى تالاپتارىنا سايكەس كەلمەيتىن ءبىرقاتار ەلەۋلى بۇزۋشىلىقتارمەن پايدالانۋعا بەرىلگەن. كوپتەگەن اقاۋدى ارلەۋ قاباتىن الماي، تەك كوزبەن انىقتاۋ مۇمكىن بولماعان.
ستۋدەنتتەر سارايى پايدالانۋعا بەرىلگەنىنە شامامەن 30 جىل بولعانىمەن، وسى ۋاقىت ارالىعىندا عيماراتقا كۇردەلى جوندەۋ نەمەسە رەكونسترۋكسيا جۇرگىزىلمەگەن.
ايتا كەتەيىك، ستۋدەنتتەر سارايى ورنالاسقان «قازۇۋگراد» اۋماعىن جاڭارتۋ جوسپارى 2023 جىلدان بەرى تالقىلانىپ كەلەدى. 2025 جىلعى قاڭتاردا مۇندا سەگىز جاڭا كورپۋس، جەتى قاباتتى ۋنيۆەرسيتەت كلينيكاسى، 10 مىڭ ادامعا ارنالعان جاتاقحانالار، وقىتۋشىلارعا ارنالعان تۇرعىن ۇيلەر مەن اپارتامەنتتەر سالۋ جوسپارلانعانى حابارلانعان.
2024 جىلدىڭ سوڭىندا سارايدىڭ قاسبەتىندەگى راكۋشەچنيك قاباتى الىنا باستاعان. كەيىن بۇل جۇمىستاردىڭ زاڭسىز جۇرگىزىلگەنى جانە رەستاۆراسيانىڭ الماتى قالاسىنىڭ مادەنيەت باسقارماسىمەن كەلىسىلمەگەنى انىقتالعان.
