قۇراندى قازاقشاعا اۋداراتىن مەزگىل جەتتى!
شىركەۋگە كىرىپ كوردىڭىز بە؟ كورمەسەڭىز-- كىرىڭىز: مەشىتكە كىرىپ مۇسىلمان بولىپ كەتپەگەندەي، ودان ءسىز حرەستيان بولىپ كەتپەيسىز؛ ولار قۇدايعا ءوز تىلىندە-ورىس تىلىندە قۇلشىلىق قىلادى! ءبىزدىڭ قۇلشىلىق، قازاق تۇگىلى، ارابتاردىڭ ءوزى تۇسىنە الماي جۇرگەن-- اراب تىلىندە ءالى؟ تۇسىنىك جوق جەردە نەشە ءتۇرلى پالەكەت باستالادى! يسلامداعى سەكتالاردىڭ ءبارى وسى تۇسىنبەۋشىلىكتەن كۇشىكتەپ، سونىڭ سوڭى قاسىرەتكە ۇلاسىپ جاتىر. قۇدايدىڭ ءسوزىن ءتۇسىنىپ، تۇيسىنبەي، وعان تابىنۋ—باياعى تاسقا تابىنۋمەن بىردەي دۇنيە!
قۇداي—قاسيەتتى! قۇران دا! قاسيەتتى تىلسىم قۇدىرەتتىڭ نەسىمەن قاسيەتتى ەكەنى ەكىنى ءبىرى، ەگىزدىڭ سىڭارىنا دا تۇسىنىكتى بولۋى كەرەك!
قۇراندى قازاقشاعا اۋدارىپ، قۇدايعا قازاقشا ءمىناجات ەتەتىن كەزەڭ كەلدى! ونى ءارى تۇسىنىكتى، ءارى جوعارعى كوركەم دەڭگەيدە ءتارجىمالاۋعا ۇلى مارتەبەلى قازاق ءتىلىنىڭ پوتەنسيالى جەتەدى! سوندا وسىنداعى ءدىني سەكتانتتار مەن ءبىزدىڭ دۇمشە مولدالار ويىنا كەلگەنىن ىستەپ، ەلدى اداستىرا المايدى! اللا ارابقا اراب ءتىلىن بەرسە، بىزگە قازاق ءتىلىن بەرگەن! وعان ادامزاتتىڭ ءبارى بىردەي! يسلامدا ەشكىمگە ەلدەن ەرەك ارتىقشىلىق بەرىلمەگەن! ارابقا دا!
قۇراندى ءتارجىمالاۋعا بىر-ەكى مارتە تالپىنىس جاساپ كورىپ ەدىم، نە—وسىنداعى مۇسىلمان قاۋىمى، نە—وركەنيەتتى قوعام قۇرعىسى كەپ جاتقان ءبىزدىڭ بيلىكتەن ءبىر رەاكسيا بولمادى؛ سونسوڭ، مەن دە قويدىم...
