قۇربان ايت مەرەكەسىنە وراي الماتى قالاسىندا تۇرعىندارعا قولايلى ءارى ءقاۋىپسىز جاعداي جاساۋ ماقساتىندا ارنايى دايىندىق جۇمىستارى جۇرگىزىلۋدە.

قۇربان شالۋ راسىمدەرىنىڭ لايىقتى ورىندالۋى ءۇشىن ارنايى الاڭداردا قالدىقتارعا ارنالعان كونتەينەرلەر، ەت ساقتايتىن توڭازىتقىشتار، سۋ جۇيەسى، دەزينفەكسيا جانە سانيتارلىق وڭدەۋ ورىندارى، سونداي-اق مال تەرىسىن ساقتايتىن ارنايى ورىندار قاراستىرىلعان. قاساپشىلار قولعاپ، ماسكا، الجاپقىش جانە رەزەڭكە ەتىكپەن قامتاماسىز ەتىلەدى.

الماتىدا قۇرباندىق شالۋعا ارنالعان 12 ارنايى الاڭ بەلگىلەندى. قۇربان ايت نامازى قالانىڭ بارلىق 56 مەشىتىندە 27 مامىر كۇنى ساعات 06:00-دە وقىلادى.

ارنايى الاڭداردا مەشىت قىزمەتكەرلەرى جۇمىس ىستەپ، قۇرباندىق شالۋ ءراسىمىنىڭ ءدىني تالاپتارعا ساي ورىندالۋىن قاداعالايدى. سونىمەن قاتار، الماتى تۇرعىندارى ءۇشىن قاشىقتان قۇرباندىق شالۋ مۇمكىندىگى دە قاراستىرىلعان. وسىعان بايلانىستى Qurban.muftyat.kz ونلاين قىزمەتى قايتا ىسكە قوسىلدى. قۇرباندىق شالىنعاننان كەيىن ازاماتتارعا ەسەپ بەرىلىپ، پلاتفورما ارقىلى مۇقتاج وتباسىلارعا ەت تاراتۋعا ءوتىنىش قابىلدانادى.

سونداي-اق قالانىڭ بارلىق 56 مەشىتىندە ەت قابىلداۋ جانە تاراتۋ پۋنكتتەرى جۇمىس ىستەيدى. ءونىمدى ساقتاۋ مەن تاسىمالداۋ ءۇشىن ارنايى مۇزداتقىش كامەرالار مەن كولىكتەر دايىندالعان.

قۇربان شالۋعا ارنالعان ارنايى ورىندار تومەندەگىدەي:
الاتاۋ اۋدانى:
• «مىرزاحمەت» مەشىتى – قاراسۋ شاعىناۋدانى، سولتۇستىك اينالما كوشەسى، 15؛
• «العاباس» مەشىتى – العاباس شاعىناۋدانى، اقبوپە كوشەسى، 6؛
• «ءال-ازيم» مەشىتى – ازات كوشەسى، 20ا؛
• «نۇر» مەشىتى – ۇيعىر كوشەسى، 16/1.
بوستاندىق اۋدانى:
• «باقىتكەلدى» مەشىتى – ءحان-تاڭىرى شاعىناۋدانى، دۋلاتي كوشەسى، 27/11.
مەدەۋ اۋدانى:
• «ومار يبن ءال-حاتتاب» مەشىتى – جۋكوۆ كوشەسى، 136ا؛
• «امانقۇل اتا» مەشىتى – ت. بيگەلدينوۆ كوشەسى، 5؛
• «فاتيما» مەشىتى – مالايا كوشەسى، 14؛
• «رايىمبەك باتىر» مەشىتى – دۋمان-1 شاعىناۋدانى، حان ءتاڭىرى كوشەسى، 15؛
• «ارافات» مەشىتى – يبراگيموۆ كوشەسى، 5ا.
ناۋرىزباي اۋدانى:
• «قالقامان-2» مەشىتى – ءقالقامان-اا شاعىناۋدانى، اسپاندياروۆ كوشەسى، 84.
تۇركسىب اۋدانى:
• «قايرات» مەشىتى – قايرات شاعىناۋدانى، سارىمولدايەۆ كوشەسى، 22.
قاراساي اۋدانى: 
• «التىن ساقا 2003» ج ش س
• «التىن-وردا» ساۋدا ورتالىعى «Mubarak» ج ش س 
تالعار اۋدانى:  
• «جۇلدىز» بازارى 
• «ۆەرنىي» بازارى