بۇۇ يزرايل مەن ليۆان اراسىنداعى 10 كۇندىك اتىستى توقتاتۋ كەلىسىمىن قۇپتاپ، بارلىق تاراپتى ءبىتىمدى تولىق ساقتاۋعا شاقىردى.
ۇيىم باسشىلىعى بۇل كەلىسىم ايماقتاعى قاقتىعىستى توقتاتۋعا جانە بەيبىت كەلىسسوزدەرگە جول اشۋعا مۇمكىندىك بەرەتىنىن اتاپ ءوتتى.
بۇۇ مالىمەتىنشە، قاقتىعىس سالدارىنان مىڭداعان ادام قازا تاۋىپ، ميلليونداعان تۇرعىن ۇيلەرىن تاستاپ كەتۋگە ءماجبۇر بولعان. ۇيىم بەيبىت تۇرعىنداردىڭ قاۋىپسىزدىگىنە ەرەكشە نازار اۋدارىپ، گۋمانيتارلىق جاعدايدى تۇراقتاندىرۋ قاجەتتىگىن ايتتى.
سونىمەن قاتار بۇۇ ءبىتىمنىڭ ۋاقىتشا ەكەنىن ەسكەرتىپ، تاراپتاردى ۇزاق مەرزىمدى ساياسي كەلىسىمگە كەلۋگە شاقىردى. ۇيىمنىڭ پىكىرىنشە، تەك ديالوگ ارقىلى عانا ايماقتا تۇراقتى بەيبىتشىلىك ورنايدى.
