جاڭادان قۇرىلىپ جاتقان «ادىلەت» پارتياسى ءجيى قويىلاتىن سۇراقتارعا جاۋاپ بەردى دەپ جازادى Qamshy.kz اقپاات اگەنتتىگى.
نەلىكتەن جاڭا پارتيا قۇرىپ جاتىرسىزدار؟
جاڭادان قابىلدانعان كونستيتۋسيا قازاقستان قوعامىن زامان تالابىنا ساي جاڭارتۋعا ەرەكشەمۇمكىندىك بەرەدى. ءبىز وسى مۇمكىندىكتى پايدالانىپ، ادىلەتتى قازاقستاندى قۇرۋ جانە ونى نىعايتۋ ءۇشىن بارلىق جاسامپاز، جاۋاپتى ازاماتتاردىڭ كۇش-جىگەرىن بىرىكتىرگىمىز كەلەدى.
ءبىزدىڭ ادىلدىك، پاتريوتيزم، ەڭبەكقورلىق، جاۋاپكەرشىلىك جانە پروگرەسكە ارقا سۇيەيتىن قۇندىلىقتارىمىز ميلليونداعان قازاقستاندىقتارعا ورتاق.
ءبىز ءاربىر قازاقستاندىق ءوزىنءىڭ كۇش-جىگەرىن جۇزەگە اسىرا الاتىن، قۇقىقتارى مەن بوستاندىقتارى جاڭا كونستيتۋسيامەن تولىق قورعالاتىن، قۋاتتى، گۇلدەنگەن، پروگرەسسيۆتى، بەدەلدى قازاقستاندا ءومىر ءسۇرگىمىز، ەڭبەك ەتكىمىز، بالالارىمىزدى تاربيەلەگىمىز كەلەدى.
ءسىزدەرءدىڭ نەگىزگى اۋديتورياڭىز كىم؟
ءبىز جاڭا كونستيتۋسيانى قولداپ، داۋىس بەرگەن جانە ونىڭ ناقتى جۇزەگە اسۋىن قالايتىن ميلليونداعان قازاقستاندىقتاردىڭ كۇشىن بىرىكتىرگىمىز كەلەدى.
ءبىزدىڭ اۋديتوريامىز – بۇل عىلىمعا، بىلىمگە جانە مادەنيەتكە كۇن سايىن ۇلەس قوسىپ جۇرگەن جاۋاپتى دا ءبىلىكتى ادامدار. بۇل – قوعامنىڭ ءال-اۋقاتى مەن وركەندەۋىنە ەڭبەك ەتىپ جۇرگەن ازاماتتار. بۇل – ەلءىمىزدىڭ داۋلەتىن ارتتىراتىن كاسىپكەرلەر. بۇل – ەل بولاشاعى سانالاتىن جاستار. بۇل – قازاقستاننىڭ بولاشاعىنا سەنەتىن جانە سوعان ەڭبەك ەتۋگە دايىن بارشامىز.
پارتيا قۇرۋ يدەياسى كىمگە جانە قاشان كەلدى؟
جاڭا كونستيتۋسيا جوباسىن دايىنداۋ بارىسىندابىرلەسە جۇمىس ىستەي ءجۇرىپ، ءبىز نەگىزگى زاڭدا كوزدەلگەن پروگرەسسيۆتى رەفورمالاردى جۇزەگە اسىرۋ جولدارىن ۇدايى تالقىلاپ وتىردىق.
ءبىز ادىلەتتى قازاقستاندى قۇرۋ مەن ونى نىعايتۋءۇشىن جاڭا ساياسي ۇيىم قاجەتتىگىن تۇسىندىك. ول ۇيىم رەفورمالاردى قولداۋشىلاردى بىرىكتىرىپ، ولاردىڭ ساياسي تىرەگىنە اينالۋى ءتيىس.
ءبىز – جاڭا كونستيتۋسيانىڭ پارتياسىمىز. ءبىز كونستيتۋسيا قاعيداتتارىنىڭ تولىق ىسكە اسۋى جانە بارلىق ونىڭ قاتاڭ ساقتالۋى ءۇشىن قۇرىلاتىن پارتيامىز.
ءبىز پرەزيدەنت قاسىم-جومارت توقايەۆ ايقىنداعان جانە جۇيەلى تۇردە ىسكە اسىرىپ كەلە جاتقان رەفورمالاردىڭ تولىق جانە جان-جاقتىورىندالۋىن قامتاماسىز ەتۋ ءۇشىن قۇرىلىپ وتىرمىز.
ءبىز ميلليونداعان قازاقستاندىقتاردى بىرىكتىرىپ، ەلدىڭ جەتەكشى ساياسي كۇشىنە اينالامىز.
سەزدى قاشان وتكىزۋدى جوسپارلاپ وتىرسىزدار؟
«ادىلەت» پارتياسىنىڭ قۇرىلتاي سەزى مامىر ايىنىڭ باسىندا وتەدى.
پارتياعا قالاي كىرۋگە بولادى؟
جاقىن ارادا ءبىز ءاربىر قازاقستاندىق ونلاين تۇردە مۇشەلىككە ءوتىنىش بەرە الاتىن پلاتفورمانى ىسكە قوسامىز.
