ەلباسى ن.نازاربايەۆتىڭ «ۇلى دالانىڭ جەتi قىرى» اتتى ماقالاسى بiر جارىم جىل بۇرىن جاريالانعان «بولاشاققا باعدار: رۋحاني جاڭعىرۋ» باعدارلاماسىنىڭ زاڭدى جالعاسى بولىپ تابىلادى. پرەزيدەنتتiڭ بۇل ماقالاسىندا ەلiمiزدiڭ تاريحى كەڭiنەن قامتىلعان. قادىر ءمىرزا-الi اعامىزدىڭ «بiزدiڭ تاريح بۇل دا بiر قالىڭ تاريح، وقۋلىعى جۇپ-جۇقا بiراق-تاعى» دەگەندەي، بiزدiڭ وقۋلىعىمىز جۇقا بولىپ، شىنىن ايتقاندا، ءوز تاريحىمىزدى ءوزiمiز بiلمەي وسكەن ۇرپاقپىز. بiز باسقا ۇلتتاردىڭ، باسقا مەملەكەتتەردiڭ تاريحىن كوپ وقىدىق. ءوز ۇلتىمىزدىڭ تاريحىن بiزدەن جاسىرىپ كەلدi. جەرiمiزدەن التىن ادام تابىلىپ جاتسا، «ول سكيفتەردiكi، ونىڭ قازاققا قاتىسى جوق» دەدi. التىن ادام كەزiندە شiلiكتiدەن دە تابىلعان. التىن ادامنىڭ وبالارىن I پەتردiڭ زامانىنان بەرi ارنايى ەكسپەديسيالار شىعىپ، توناپ كەلگەن. ول مۇرالار ەرميتاجدا تۇرعانىمەن، قازاققا قاتىسى جوق ەتiپ كورسەتتi.

وتىراردى يران مادەنيەتiنە اپارىپ تiرەپ تاستايتىن. وتىرار كiتاپحاناسى دەپ ماقتانساق، ول كiتاپتار سەنiڭ تiلiڭدە بولماعان دەگەنگە دەيiن باردى. ال ەندi مىسىردى بيلەگەن ماملۇكتەردiڭ ءوزi بiزدiڭ تiلدە سويلەگەن. ونى بiز ەمەس، كەرەك دەسەڭiز، يزرايل عالىمدارى ايتىپ وتىر. قازاق تاريحى ولەڭ-جىر بولىپ تاسقا قاشالعانىمەن، ونى دا موڭعولدارعا تيەسiلi دەگەن ءتۇسiنiك تاڭىلعان. اينالىپ كەلگەندە مويىندالماي كەلگەن دۇنيەلەردi وسى ماقالا يگەرۋگە، مەنشiكتەنۋگە، ۇيرەنۋگە، كەلەشەك ۇرپاققا ءوزiمiزدiڭ قانداي تاريحى تەرەڭ ۇلت ەكەنiمiزدi دالەلدەپ، نەگiزدەپ بەرۋگە جول اشىپ وتىر.

ۇلتىمىزعا وتكەنiن بiلۋ ماڭىزدى دەپ ەسەپتەيمiز. 30 ەلدiڭ قاتارىنا كiرۋ ءۇشiن الەمدiك وركەنيەتكە قوسقان ۇلەسiڭ دە مول بولۋى كەرەك. ال ەندi بiز قانداي ۇلەس قوستىق؟ «ۇلى دالانىڭ جەتi قىرى» وسىنى تۇگەندەپ بەرiپ وتىر. بiزدiڭ سكيف زامانىنان بەرگi «كەنتاۆر» دەپ جۇرگەندەرi ساقتار بولىپ شىعادى. ال اتپەن بiتە قايناسقان حالىق كiم؟ ول — قازاقتار! ءسولتۇستiك قازاقستانداعى ارحەولوگيالىق قازبا بوتاي مادەنيەتi رەتiندە تانىلىپ، سول جەردە ەجەلگi ءداۋiردە ەڭ العاش رەت جىلقىنى قولعا ۇيرەتكەن كiم دەگەندە، بiزدiڭ قازاقتار بولىپ شىقتى. وسى ەلدiڭ ازاماتتارى بولعاننان كەيiن ءبارiمiز دە وسى جەردiڭ تاريحىنا يە بولۋىمىز كەرەك. بۇرىن قولىمىز جەتپەي، قولىمىز جەتسە دە، ءوزiمiزدiكi ەكەنi مويىندالماي كەلگەن دۇنيەلەردi وسى ماقالا يگەرۋگە، مەنشiكتەنۋگە، ۇيرەنۋگە، كەلەشەك ۇرپاققا قانداي ۇلت ەكەنiمiزدi دالەلدەۋگە جول اشىپ وتىر. وتكەندi بiلۋ — كەلەشەك ءۇشiن ماڭىزدى.

ۇلىقبەك ەسداۋلەت