بالالاردى قورعاۋ كۇنىنە وراي TikTok ورتالىق ازياەلدەرىنە ارنالعان ءاقپاراتتىق-بىلىم بەرۋ ناۋقانىن ىسكە قوستى. «ءقاۋىپسىز ينتەرنەت ءۇشىن بىرگە!» باستاماسى سيفرلىق ورتاداعى ءقاۋىپسىز مىنەز-قۇلىق تۋرالى حاباردارلىقتى ارتتىرىپ، سالاۋاتتى ونلاين داعدىلاردى قالىپتاستىرۋعا جانە اتا-انا مەن جاسوسپىرىمدەر اراسىنداعى اشىق ديالوگتىڭ ماڭىزىن نىعايتۋعا باعىتتالعان.
پايدالانۋشىلاردىڭ، اسىرەسە كامەلەتكە تولماعان پايدالانۋشىلاردىڭ قاۋىپسىزدىگى - TikTok ءۇشىن باستى باسىمدىلىقتاردىڭ ءبىرى. سوندىقتان پلاتفورما قاۋىپسىزدىك قۇرالدارى مەن ساياساتتارىن جەتىلدىرۋمەن قاتار، اۋديتوريانىڭ سيفرلىق ساۋاتتىلىعىن ارتتىرۋعا دا ەرەكشە كوڭىل بولەدى. ءبىلىم بەرۋ ناۋقانى اياسىندا جاسوسپىرىمدەردىڭ سيفرلىق قاۋىپسىزدىگى مەن وتباسىلاردىڭ ونلاين ورتاداعى ءوزارا جايلى قارىم-قاتىناسى ماسەلەلەرىنە ارنالعان قازاق، قىرعىز، وزبەك، تاجىك جانە تۇرىكمەن تىلدەرىندەگى انيماسيالىق بەينەروليكتەر دايىندالدى.
ءبىلىم بەرۋ روليكتەرى توپتاماسىندا كەلەسى تاقىرىپتار قامتىلعان:
«وتباسىلىق پارامەترلەر» اتا-انالارعا ءوز اككاۋنتىن ءجاسوسپىرىمنىڭ اككاۋنتىمەن بايلانىستىرىپ، ونىڭ قۇپيالىق جانە سيفرلىق ءال-اۋقاتى پارامەترلەرىن باسقارۋعا مۇمكىندىك بەرەدى. بۇل قۇرالدىڭ پايدالى مۇمكىندىكتەرىنىڭ ءبىرى – ەكران الدىندا وتكىزىلەتىن ۋاقىتتى شەكتەۋ. TikTok-تا 13-17 جاس ارالىعىنداعى پايدالانۋشىلار ءۇشىن كۇنىنە ءبىر ساعاتتىق ليميت ورناتىلعان، الايدا اتا-انالار بۇل شەكتەۋدى ءوزقالاۋى بويىنشا وزگەرتە الادى. سونداي-اق باپتاۋداۇسىنىستار لەنتاسىنا ارنالعان كىلتسوزدەر سۇزگىسى دە قول جەتىمدى، ول كونتەنت سيپاتتاماسىنداعى تاڭدالعان سوزدەردەن تۇراتىن بەينەلەر كورسەتىلىمىن شەكتەۋگە كومەكتەسەدى. اتا-انالار پىكىرلەردى باقىلاۋ قۇرالدارىن، ونىڭ ىشىندە ءجاسوسپىرىم جاريالانىمىنا جازىلاتىن پىكىرلەردى تولىعىمەن ءوشىرۋ مۇمكىندىگىن دە پايدالانا الادى. بۇعان قوسا اتا-انالار ءجاسوسپىرىم اككاۋنتىنىڭ جەكە نەمەسە جاريا بولاتىنىن انىقتاي الادى، سونداي-اق بالا اككاۋنتى جايلى اقپاراتتى، ماسەلەن ءجاسوسپىرىم بۇعاتتاپ تاستاعان جازىلىم، جازىلۋشىلار جانە پايدالانۋشىلار ءتىزىمىن كورە الادى. بۇدان بولەك، TikTok «وتباسىلىق پارامەترلەر» بولىمىندە جاسوسپىرىمدەر ءۇشىن بارىنشا جايلى ءارى ءقاۋىپسىز سيفرلىق ورتا قالىپتاستىرۋعا ارنالعان وزگە دە قاۋىپسىزدىك جانە قۇپيالىق قۇرالدارىن ۇسىنادى.
TikTok پلاتفورماسىن 13 جاستان اسقان پايدالانۋشىلار عانا قولدانا الادى. جاس تالاپتارىن ساقتاۋ – پلاتفورمانى پايدالانۋدىڭنەگىزگى شارتتارىنىڭ ءبىرى، سوندىقتان TikTok رۇقسات ەتىلگەن جاستان كىشى پايدالانۋشىلار اشقان اككاۋنتتاردى انىقتاۋ جانە جويۋ تەحنولوگياسىن تۇراقتى تۇردە جەتىلدىرىپ كەلەدى. سونىمەن قاتار، پايدالانۋشىلار اككاۋنت يەسى 13 جاسقا تولماعان دەپ ەسەپتەسە، وعان شاعىم تۇسىرە الادى.
ءجاسوسپىرىم 13 جاسقا تولعاندا، ونىڭ سيفرلىك الەمى كەڭەيەدى جانە سەنىمدى تۇردە قورعالادى. TikTok پلاتفورما فۋنكسيونالىن پايدالانۋشىنىڭ جاس ەرەكشەلىنە قاراي بولەدى، سوندىقتان جاسوسپىرىمدەر اككاۋنتى ءۇشىن كۇشەيتىلگەن قاۋىپسىزدىك پارامەترلەرىمەن جوعارى قۇپيالىلىق دەڭگەيى ورناتىلعان. مىسالى، 16 جاسقا تولماعان پايدالانۋشىلار جۇكتەگەن ۆيدەولار ۇسىنىستار لەنتاسىنا شىقپايدى، ولاردى جۇكتەپ الۋ مۇمكىن ەمەس جانە سول ۆيدەولارمەن دۋەتجاساۋعا رۇقسات ەتىلمەيدى. سونىمەن قاتار TikTok-تا 16 جاسقا تولماعان بارلىق پايدالانۋشىلار ءۇشىن جەكە حابارلامالار فۋنكسياسى وشىرىلگەن، بۇل بەيتانىس ادامدارمەن قاجەتسىز حات الماسۋ ءقاۋپىن بولدىرمايدى.تىكەلەي ەفيرگە شىعۋ جانە TikTok LIVE ارقىلى ۆيرتۋالدى سىيلىقتار جىبەرۋ تەك 18 جاسقا تولعان جاسوسپىرىمدەرگە عانا قول جەتىمدى.
TikTok پلاتفورمادا ءتىل تيگىزۋ مەن كەمسىتۋگە جول بەرمەيدى. قاۋىمداستىق ەرەجەلەرى بويىنشا كوپشىلىك الدىندا كەمسىتۋگە، كەلىسىمسىز جەكە اقپاراتتىجاريالاۋعا جانە پايدالانۋشىلارعا زيان كەلتىرۋى مۇمكىن كونتەنتتەرگە تىيىم سالىنادى. ۆيدەودا پايدالانۋشىلارعا اۋديتوريامەن ءوزارا قارىم-قاتىناستى باقىلاۋعا كومەكتەسەتىن فۋنكسيالار تۋرالىايتىلادى. مىسالى، جاعىمسىز پىكىرلەردى سۇزگىلەۋفۋنكسياسى قوسۋلى بولسا، پىكىرلەر ۆيدەونىڭ استىندااۆتور ماقۇلداعاننان كەيىن عانا كورىنەدى. سونداي-اق كيبەربۋللينگ نەمەسە پلاتفورما ەرەجەلەرىنىڭ بۇزىلعانىنا كۋا بولعان پايدالانۋشىلار TikTokىشىندەگى قۇرالدار ارقىلى قۇپيا تۇردە شاعىمدانا الادى.
TikTok اۋديتورياعا سالاۋاتتى سيفرلىق ادەتتەردىقالىپتاستىرۋعا كومەكتەسەتىن فۋنكسيالاردى ۇسىنا الادى. مىسالى، 16 جاسقا تولماعان پايدالانۋشى ساعات 22:00-دەن كەيىن TikTok-قا كىرەتىن بولسا، پلاتفورما ءۇزىلىس جاساۋدى ۇسىنىپ، ۇيقىعا دايىندالۋعا ارنالعان تىنىس الۋ جاتتىعۋلارىن كورسەتەدى. ال 18 جاسقا تولماعان جاسوسپىرىمدەردىڭ اتا-انالارى «وتباسىلىق پارامەترلەر» ارقىلى كورسەتىلگەن ۋاقىتتا، مىسالى، ساباق وقۋ نەمەسە ۇيقى كەزىندە قولدانباعا كىرۋدى شەكتەيتىن بەلسەندى ەمەس ۋاقىت كەستەسىن باپتاي الادى. سونداي-اق TikTok تۇنگى ۋاقىتتا حابارلاندىرۋلاردى اۆتوماتتى تۇردە ءوشىرىپ، جاسوسپىرىمدەردىڭ تىنىعۋىنا قولداۋ كورسەتەدى.
جاسوسپىرىمدەردىڭ قاۋىپسىزدىگى ديالوگتان باستالادى
جاسوسپىرىمدەردىڭ سيفرلىق قاۋىپسىزدىگى – پلاتفورمانىڭ، اتا-انالار مەن پايدالانۋشىلاردىڭ ورتاق جاۋاپكەرشىلىگى. سوندىقتان دا ناۋقاننىڭ باستى يدەيالارىنىڭ ءبىرى – جاسوسپىرىمدەردىڭ سيفرلىق ءومىرى، ونلاين ادەتتەرى مەن ينتەرنەتتەگى ەموسيالىق احۋالى تۋرالى وتباسى ىشىندەگى اشىق ءارى سەنىمدى ديالوگمادەنيەتىن دامىتۋ. TikTok سيفرلىق ورتاداعى جاسوسپىرىمدەردى ءتيىمدى قولداۋ تەك تەحنيكالىق شەكتەۋلەرمەن ەمەس، وتباسىنداعى سەنىمگە، قامقورلىققا ءارى جىلى قارىم-قاتىناسقا دا نەگىزدەلگەنىن اتاپ وتەدى.
پلاتفورما اتا-انالارعا جاسوسپىرىمدەردىڭ قانداي كونتەنت قارايتىنىنا، ولاردى قانداي تاقىرىپ قىزىقتىراتىنىنا نەمەسە الاڭداتاتىنىنا نازار اۋدارۋعا، سونداي-اق ينتەرنەتتى پايدالانۋ ەرەجەلەرىن بىرگە تالقىلاۋعا كەڭەس بەرەدى. مۇنداي ءتاسىل باقىلاۋ سەزىمىن قالىپتاستىرماي، جاسوسپىرىمدەردىڭ سيفرلىق ورتادا سانالى ءارى جاۋاپتى مىنەز-قۇلىق داعدىلارىن دامىتۋعا ىقپال ەتەدى.
سيفرلىق ورتانىڭ قارقىندى دامۋى جاعدايىندا TikTok شىعارماشىلىق پەن ءوزىن-وزى كورسەتۋگە ارنالعان كەڭىستىك قالىپتاستىرىپ قانا قويماي، پايدالانۋشىلاردىڭ ينتەرنەتتە ءوزىن ءقاۋىپسىز ءارى سەنىمدى سەزىنۋىنە جاعداي جاساۋعا ۇمتىلادى. وسى ماقساتتا پلاتفورما قاۋىپسىزدىك قۇرالدارىنا، سيفرلىق ءال-اۋقاتقا جانە ءبىلىم بەرۋ باستامالارىن ينۆەستيسيالاۋدى جالعاستىرا بەرەدى.
TikTok تۋرالى
TikTok – قىسقا ۆيدەوروليكتەرگە ارنالعان جەتەكشى پلاتفورما. ءبىزدىڭ ميسسيامىز – ادامداردى شىعارماشىلىققا شابىتتاندىرۋ جانە ولارعا قۋانىش سىيلاۋ.
