تاريحى تاعىلىمدى رايىمبەك اۋدانىنىڭ 90 جىلدىعىنا ارنالعان يگى ءىس شارالار باستالدى. تورقالى تويدىڭ باستاماسى قاسيەتتى قاراساز اۋىلىنداعى جەرلەسىمىز، اقىن ورازالى دوسبوسىنوۆتى  ەسكە الۋعا ارنالعان رەسپۋبليكالىق ايتىسپەن باستالدى.

اۋداننىڭ 90 جىلدىق مەرەيتويى اياسىندا قازاق ايتىس ونەرىنىڭ جارىق جۇلدىزى، دارا دارىن ورازالى دوسبوسىنوۆتى ەسكە الۋعا ارنالعان «قۇلمامبەتتىڭ قۇلىنىن قۇنداقتاعان ولكە» اتتى II رەسپۋبليكالىق وقۋشىلار ايتىسى ءوز باستاۋىن الدى.

بۇل ءدۇبىرلى دودا – جاس اقىنداردىڭ ءسوز ونەرىنە دەگەن سۇيىسپەنشىلىگىن شىڭداپ، ۇلتتىق رۋحتى دارىپتەيتىن، بابالار مۇراسىن كەلەر ۇرپاققا جالعايتىن تاعىلىمدى الاڭ. ەلىمىزدىڭ ءار وڭىرىنەن كەلگەن جاس ايتىسكەرلەر قاسيەتتى رايىمبەك جەرىندە باس قوسىپ، سۋىرىپسالمالىق ونەردىڭ كورىگىن قىزدىرۋدا.

ايتىس – حالقىمىزدىڭ رۋحاني قازىناسى. ال ءورازالى دوسبوسىنوۆتىڭ جارقىن مۇراسى جاس بۋىنعا ءاردايىم شابىت بەرىپ، ۇلتتىق ونەردىڭ شامشىراعى بولىپ قالا بەرەدى.

بارشا قاتىسۋشىلارعا ساتتىلىك، ال كورەرمەنگە ۇمىتىلماس اسەر تىلەيمىز!