TikTok LIVE پايدالانۋشىلارعا مادەني جانە تانىمدىق كونتەنتكە ناقتى ۋاقىت رەجيمىندە قول جەتكىزۋگە مۇمكىندىك بەرەتىن حالىقارالىق Comes Alive باعدارلاماسىن ىسكە قوسادى. باعدارلامانىڭ العاشقى جوباسى - 18 مامىردا اتاپ وتىلەتىن حالىقارالىق مۇراجايلار كۇنىنە ارنالعان Museums Come Alive باستاماسى. جاھاندىق ناۋقانعا قازاقستان دا قوسىلدى. قازاقستان رەسپۋبليكاسىنىڭ ۇلتتىق مۋزەيى مەن Almaty Museum of Arts سەرىكتەستىگى اياسىندا پلاتفورمادا تىكەلەي ەفيردەگى ەكسكليۋزيۆتى ەكسكۋرسيالار وتەدى. بۇل كورەرمەندەرگە ەلىمىزدىڭ مادەني مۇراسىمەن جاقىنىراق تانىسۋعا مۇمكىندىك بەرەدى.
بۇگىندە TikTok كلاسسيكالىق ونەر، زاماناۋي سيفرلىق فورمات ارقىلى قايتا تانىستىرىلاتىن كەڭىستىككە اينالىپ كەلەدى، ال قىسقا ۆيدەولار مەن تىكەلەي ەفيرلەر قولدانۋشىلارعا مادەنيەت، شىعارماشىلىق جانە ءبىلىم بەرۋ كونتەنتىن جاڭاشا اشۋعا كومەكتەسەدى.
18 مامىردا اتاپ وتىلەتىن حالىقارالىق مۋزەيلەر كۇنى قارساڭىندا TikTok الەمنىڭ تۇكپىر-تۇكپىرىندەگى مۋزەيلەرمەن بىرلەسىپ، سونىڭ ىشىندە Museum of Modern Art (MoMA) سياقتى زاماناۋي ونەردىڭ ەڭ تانىمال مۋزەيلەرىنىڭ بىرىمەن بىرگە Museums Come Alive اتتى جاڭا جاھاندىق باستامانى ىسكە قوسادى. جوبانىڭ ماقساتى — تىكەلەي ەفيرلەردىڭ تانىمال فورماتى ارقىلى اۋديتوريانى ونەرمەن، تاريحپەن جانە مادەني مۇرامەن تانىستىرۋ. جوبا اياسىندا مۋزەيلەر، كرەاتورلار جانە TikTok قولدانۋشىلارى مادەنيەت اناعۇرلىم اشىق، ينتەراكتيۆتى ءارى كەڭ اۋديتورياعا قولجەتىمدى بولاتىن ءبىرتۇتاس سيفرلىق كەڭىستىكتە باس قوسادى.
قازاقستان مۇراجايلارى TikTok-تا جاڭا تىنىس الادى
18 مامىر كۇنى TikTok پايدالانۋشىلارى قازاقستاننىڭ بىردەن ەكى جەتەكشى مۇراجايىنان تانىمال كرەاتورلار جۇرگىزەتىن ارنايى ترانسلياسيالارعا قوسىلا الادى.
ورتالىق ازياداعى زاماناۋي ونەرگە ارنالعان العاشقى ءارى ەڭ ءىرى جەكە مەنشىك مۇراجاي - Almaty Museum of Arts almatymuseumofarts كەڭىستىگىندە وتەتىن TikTok LIVE ەكسكۋرسياسىن نۋرجان nurzhan_cello جۇرگىزەدى.
پلاتفورما پايدالانۋشىلارى ساعات 12:00-دەن 14:00-گە دەيىن ناقتى ۋاقىت رەجيمىندە شارىن شاتقالىنان شابىت العان مۇراجايدىڭ ساۋلەتىمەن تانىسىپ، كورمە زالدارىن ارالاپ، قازاقستاندىق زاماناۋي سۋرەتشىلەردىڭ تۋىندىلارىن تاماشالاي الادى. ەفير بارىسىندا كورەرمەندەر قازاقستاندىق سۋرەتشى الماگۇل مەڭلىبايەۆانىڭ «يا ۆسە پونيمايۋ» («مەن ءبارىن تۇسىنەمىن») اتتى رەتروسپەكتيۆالىق كورمەسىمەن، سونداي-اق مۇراجايدىڭ ورتالىق ازياداعى قوناقجايلىق ءداستۇرى مەن كوشى-قون تاقىرىپتارىن ارقاۋ ەتكەن «قوناقتار» كورمەسىمەن تانىسادى. سونىمەن قاتار، TikTok LIVE Almaty Museum of Arts مۇراجايىنان شابىت العان ارنايى Artist ۆيرتۋالدى سىيلىعىن ۇسىنادى، ول كورەرمەندەرگە ەفير بارىسىندا كونتەنتتى قولداۋعا مۇمكىندىك بەرەدى.
گاۋحار ساتپايەۆا، Almaty Museum of Arts كوممۋنيكاسيالار جونىندەگى ديرەكتورى: «بۇگىندە ونەردىڭ مۋزەي قابىرعاسىنان شىعىپ، سيفرلىق كەڭىستىكتەگى ءتىرى ديالوگتىڭ ءبىر بولىگىنە اينالىپ جاتقانىن كورىپ وتىرمىز. TikTok LIVE-پەن جاسالعان كوللابوراسيا — ونەردىڭ بۇرىنعىدان دا اشىق ءارى دەموكراتيالىق بولا ءتۇسۋىن كورسەتەتىن جاھاندىق ترەندكە بەرىلگەن جاۋاپ. قازىرگى كورەرمەنگە ەكسپوناتقا جاي عانا قاراۋ جەتكىلىكسىز — وعان ساپالى ستوريتەللينگ پەن وقيعاعا ءوزىن قاتىسۋشى رەتىندە سەزىنۋ ماڭىزدى. تىكەلەي ەفيرلەر سياقتى قۇرالداردى پايدالانۋ بىزگە كۇردەلى مادەني كونتەكستى كەڭ اۋديتورياعا بەيىمدەپ، ونى قولجەتىمدى ەتە وتىرىپ، ينتەللەكتۋالدىق قۇندىلىعىن ساقتاۋعا مۇمكىندىك بەرەدى.
ءقازىر ەلىمىزدە جەرگىلىكتى ونەرگە دەگەن قىزىعۋشىلىقتىڭ قۋاتتى تولقىنى بايقالادى. Almaty Museum of Arts مۋزەيىنىڭ MoMA-مەن ءبىر باعدارلاما اياسىندا ۇسىنىلۋى — قازاقستاندىق ارت-ساحنانىڭ الەممەن ءبىر تىلدە سويلەسەتىنىنىڭ دالەلى. ءبىز الماگۇل مەڭلىبايەۆانىڭ رەتروسپەكتيۆاسىنان باستاپ، «قوناقتار» جوباسىنداعى قوناقجايلىق تۋرالى وي-تولعامدارعا دەيىنگى مادەني كودتارىمىزدى ەڭ وزەكتى كوممۋنيكاسيا ارنالارى ارقىلى جەتكىزىپ كەلەمىز. بۇل — جاھاندىق دەڭگەيدە تانىمال بولا وتىرىپ، ءوزىمىزدىڭ بىرەگەي بولمىسىمىزدى ساقتاۋدىڭ زاماناۋي ءتاسىلى».
«Artist» («سۋرەتشى») – Almaty Museum of Arts مۇراجايىنان
شابىت العان ۆيرتۋالدى سىيلىق.
استاناداعى قازاقستان رەسپۋبليكاسىنىڭ ۇلتتىق مۋزەيى @nationalmuseumkzق ر مادەنيەت جانە اقپارات مينيسترلىگىنىڭ قولداۋىمەن جۇلدىز راحمەتپەن @zhuldyz_rakhmet بىرلەسىپ، TikTok LIVE فورماتىندا ونلاين-ەكسكۋرسيا وتكىزەدى. تىكەلەي ەفير جۇلدىز راحمەتتىڭ پاراقشاسىندا 18 مامىر كۇنى ساعات 17:00-دەن 19:00-گە دەيىن وتەدى جانە كورەرمەندەرگە قازاقستاننىڭ باي تاريحىن، مادەنيەتى مەن تابيعي مۇراسىن تانىتاتىن مۇراجايدىڭ بىرەگەي ەكسپوناتتارمەن تانىسۋعا مۇمكىندىك بەرەدى. ەفير بارىسىندا كورەرمەندەرگە قازاقستاندىق ارحەولوگيانىڭ باستى نىشاندارىنىڭ ءبىرى – قازاقستان اۋماعىنان تابىلعان العاشقى «التىن ادام» سانالاتىن ەسىك التىن ادامى تانىستىرىلادى. سونىمەن قاتار باعدارلامادا توبىل ويشى، سۇيەك ات جانە ەلىمىزدىڭ ەجەلگى تاريحى مەن مادەني مۇراسىن اشىپ كورسەتەتىن باسقا دا ارتەفاكتىلەر ۇسىنىلادى. ەكسكۋرسيانىڭ ءبىر بولىگى پالەونتولوگيا زالىنا ارنالىپ، وندا قازاقستان اۋماعىنان عالىمدار تاپقان كونە جانۋارلاردىڭ قالدىقتارى كورسەتىلەدى. ونلاين-ەكسكۋرسيا «تارتىمدىلىق كەڭىستىگى» اتتى اۋقىمدى باعدارلاما اياسىندا، «مۋزەي ءتۇنى – 2026» اكسياسى مەن حالىقارالىق مۋزەيلەر كۇنىنە وراي ۇيىمداستىرىلادى.
اينۇر قۇرماشيەۆا، ق ر ۇلتتىق مۋزەيىنىڭ باسپا ءسوز حاتشىسى: «بۇگىندە تاريح پەن مادەني مۇرا تۋرالى زاماناۋي اۋديتوريا وتىرعان الاڭداردا شىعۋ اسا ماڭىزدى. TikTok LIVE-پەن كوللابوراسيا مۋزەيدى ديالوگ، ءبىلىم جانە مادەني كوممۋنيكاسيالار كەڭىستىگى رەتىندە كورسەتۋگە مۇمكىندىك بەرەدى. زاماناۋي سيفرلىق پلاتفورمالار مۋزەي اۋديتورياسىن كەڭەيتىپ، مادەني مۇرانى ءارتۇرلى بۋىن وكىلدەرىنە اناعۇرلىم اشىق ءارى قولجەتىمدى ەتۋگە جول اشادى. ءبىز ۇلتتىق مۇرانى زاماناۋي مەدياكەڭىستىكتە كەڭىنەن تانىستىرىپ، ونى جاڭا اۋديتورياعا جاقىنداتۋعا ۇمتىلامىز».
پايدالانۋشىلارعا ىڭعايلى بولۋ ءۇشىن TikTok قوسىمشاسىندا ارنايى Museums Come Alive پاراقشاسى پايدا بولادى. وندا ەفيرلەردىڭ انونستارىن كورىپ، جوباعا قاتىسۋشى مۇراجايلارمەن تانىسۋعا جانە كرەاتورلاردىڭ ترانسلياسيالارىنا تىكەلەي وتۋگە بولادى.
«ءبىز TikTok قاۋىمداستىعىنىڭ مادەني جانە تانىمدىق كونتەنتكە قىزىعۋشىلىعى ارتىپ كەلە جاتقانىن بايقاپ وتىرمىز. Museums Come Alive باستاماسى مۇراجايلار مەن ونەردى اۋديتورياعا جاقىنداتىپ، سيفرلىق بۋىنعا تۇسىنىكتى ءارى ىڭعايلى پىشىمدە ۇسىنۋعا مۇمكىندىك بەرەدى. LIVE-ترانسلياسيالار ارقىلى پايدالانۋشىلار وزدەرىن مۇراجاي ىشىندە جۇرگەندەي سەزىنىپ، ونەر مەن تاريحقا جاڭاشا كوزقاراسپەن قاراي الادى. قازاقستاننىڭ Museums Come Alive باستاماسىنا قاتىسۋى ەلدىڭ مادەني مۇراسىن حالىقارالىق TikTok قاۋىمداستىعىنا تانىستىرىپ، قازاقستانداعى مۇراجايلار مەن ونەرگە دەگەن قىزىعۋشىلىقتى ارتتىرۋعا ىقپال ەتەدى»، – دەيدى دينا حامزا، شىعىس ەۋروپا، ورتالىق ازيا جانە كاۆكاز وڭىرلەرى بويىنشا TikTok LIVE مەنەدجەرى.
الەم مۇراجايلارىن ۇيدەن شىقپاي-اق تاماشالاڭىز
قازاقستاننان بولەك، Museums Come Alive باستاماسىنا الەمنىڭ ءارتۇرلى ەلدەرىندەگى مۇراجايلار مەن كرەاتورلار دا قوسىلادى. TikTok LIVE نيۋ-يوركتەگى Museum of Modern Art (MoMA)، چيكاگوداعى Pokémon Fossil Museum جانە كايردەگى Abdeen Palace Museum سياقتى ايگىلى مادەني كەڭىستىكتەرمەن بىرلەسكەن ارنايى ەفيرلەر ۇيىمداستىرادى.
- 19 مامىر كۇنى ساعات 05:00-دە كورەرمەندەر @katebartlett كرەاتورىمەن جانە Museum of Modern Art (MoMA) كۋراتورىمەن بىرگە الەمدەگى زاماناۋي ونەردىڭ ەڭ تانىمال مۋزەيلەرىنىڭ ءبىرى بويىنشا ۆيرتۋالدى ەكسكۋرسياعا قاتىسىپ، مۋزەيدىڭ ايگىلى كوللەكسياسىنداعى تۋىندىلاردى تاماشالاي الادى. ترانسلياسيا @katebartlett، @museumofmodernart ، @tiktok، @tiktoklive_us اككاۋنتتارىندا قولجەتىمدى بولادى.
19 مامىر كۇنى ساعات 17:00-دە @ahmedgalalmoussa كرەاتورى @tiktoklive_mena اككاۋنتىندا Abdeen Palaceبويىنشا ەكسكليۋزيۆتى LIVE-ەكسكۋرسيا وتكىزىپ، TikTok اۋديتورياسىن مىسىردىڭ تاريحى مەن مادەنيەتىمەن تانىستىرادى.
21 مامىر كۇنى ساعات 04:15-تە كورەرمەندەر @tiktok جانە @tiktoklive_us اككاۋنتتارى ارقىلى Pokémon Fossil Museum كورمەسىنىڭ رەسمي اشىلۋىنا ەكى كۇن قالعاندا وتەتىن ەكسكليۋزيۆتى LIVE-ەكسكۋرسياعا قوسىلا الادى.
#MuseumTok ترەندتە
سوڭعى ءبىر جىلدا الەمنىڭ جەتەكشى مۇراجايلارى جاڭا اۋديتوريامەن بايلانىس ورناتۋ ءۇشىن TikTok LIVE مۇمكىندىكتەرىن بەلسەندى قولدانا باستادى. بۇل پايدالانۋشىلاردىڭ ونەر تۋىندىلارىنا دەگەن قىزىعۋشىلىقتىڭ ارتۋىنا ىقپال ەتتى.ماسەلەن، The Metropolitan Museum of Art (نيۋ-يورك) ناۋرىز ايىندا كورمە كۋراتورلارى مەن پلاتفورما كرەاتورلارىنىڭ قاتىسۋىمەن ءبىرقاتار تىكەلەي ەفير وتكىزدى. بۇل ونەر مەن تاريحتى كەڭ اۋديتوريا ءۇشىن اناعۇرلىم قولجەتىمدى ءارى تۇسىنىكتى ەتۋگە مۇمكىندىك بەردى. ال Grand Egyptian Museum قاراشا ايىندا ءوزىنىڭ اشىلۋ سالتاناتىن TikTok LIVE ارقىلى تىكەلەي ەفيردە كورسەتىپ، اۋقىمدى مادەني وقيعانى حالىقارالىق سيفرلىق جوباعا اينالدىردى. وسى ەكى LIVE-ترانسلياسيانىڭ جيىنتىق اۋديتورياسى الەم بويىنشا شامامەن بەس ميلليون كورەرمەندى قۇرادى. بۇل TikTok LIVE پلاتفورماسىنىڭ مادەني ۇيىمدار مەن ءبىلىم بەرۋ كونتەنتىنە جاھاندىق اۋديتوريانىڭ قولجەتىمدىلىگىن كەڭەيتۋدەگى الەۋەتىن ايقىن كورسەتەدى.
18 مامىر كۇنى TikTok سونداي-اق TikTok's 2026 Museum Insights Report زەرتتەۋىن ۇسىنادى. بۇل - سوڭعى ءبىر جىل ىشىندە #MuseumTok قاۋىمداستىعىن شابىتتاندىرعان باستى ترەندتەر مەن وقيعالارعا ارنالعان شولۋ.
- زەرتتەۋ ناتيجەلەرى TikTok ءتىپتى تار باعىتتاعى مۋزەيلەرگە دە ءوز اۋديتورياسىن تابۋعا كومەكتەسەتىنىن كورسەتتى. پلاتفورماداعى ەڭ تانىمال مۋزەيلەردىڭ قاتارىندا Disgusting Food Museum، Ice Cream Museum، Trap Music Museum جانە The Bone Museum بار.
- پوپ-مادەنيەت، يۋمور جانە ستوريتەللينگ قوعامدى مادەني كۇن تارتىبىنە تارتۋدىڭ ءتيىمدى قۇرالدارىنا اينالىپ كەلەدى. ناتيجەسىندە، اقش-تاعى TikTok قولدانۋشىلارى پلاتفورمانى پايدالانبايتىن ادامدارمەن سالىستىرعاندا بەينەلەۋ ونەرىنە 41%-عا ءجيى، ال زاماناۋي ونەرگە 79%-عا ءجيى قىزىعۋشىلىق تانىتادى.
ونەر سالاسىنداعى ساراپشىلار مەن كورمە كۋراتورلارى پلاتفورما اۋديتورياسىنىڭ نازارىن اۋداراتىن كونتەنت اۆتورلارىنا اينالىپ كەلەدى.
TikTok تۋرالى
TikTok – قىسقا ۆيدەوروليكتەرگە ارنالعان جەتەكشى پلاتفورما. ءبىزدىڭ ميسسيامىز – ادامداردى شىعارماشىلىققا شابىتتاندىرۋ جانە ولارعا قۋانىش سىيلاۋ
