اباي وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ ۇيىمداستىرۋىمەن جاستار اراسىندا قۇقىقتىق مادەنيەتتى قالىپتاستىرۋ جانە قوعامداعى زاڭعا قۇرمەت قۇندىلىقتارىن دارىپتەۋ ماقساتىندا «Stand Up» فورماتىنداعى كەش ۇيىمداستىرىلدى.
ءىس-شاراعا وڭىرگە تانىمال ستەنداپ-كوميك دۋلات ساپاتاي قاتىسىپ، جاستارمەن ەركىن فورماتتا كەزدەسۋ وتكىزدى. كەش بارىسىندا قوعامداعى ءتارتىپ، جاۋاپكەرشىلىك، قۇقىقتىق سانا، جاستار مادەنيەتى مەن الەۋمەتتىك ماسەلەلەر ءازىل مەن زاماناۋي فورمات ارقىلى قوزعالىپ، قاتىسۋشىلار اراسىندا اشىق پىكىر الماسۋ ءوتتى.
سونىمەن قاتار، جاستار اراسىندا وزەكتى بولىپ وتىرعان جول قاۋىپسىزدىگى، ينتەرنەت كەڭىستىگىندەگى جالعان اقپاراتتار مەن ديپفەيك تەحنولوگيالارىنىڭ ءقاۋپى، ەكولوگيالىق مادەنيەت جانە «تازا قازاقستان» باستاماسىنىڭ ماڭىزدىلىعى دا قامتىلدى. قاتىسۋشىلارعا قوعامدىق ءتارتىپتى ساقتاۋ، سيفرلىق قاۋىپسىزدىككە ءمان بەرۋ جانە قورشاعان ورتاعا جاۋاپكەرشىلىكپەن قاراۋ جونىندە كەڭىنەن اقپارات بەرىلدى.
شاراعا قالا جاستارى، ستۋدەنتتەر مەن بەلسەندى جاستار قاتىسىپ، كەزدەسۋ اشىق پىكىر الماسۋ الاڭىنا اينالدى. قاتىسۋشىلار قۇقىقتىق ساۋاتتىلىق، قوعامدىق ءتارتىپ جانە جاستار اراسىنداعى ءوزارا قۇرمەت قۇندىلىقتارى جونىندە ءوز ويلارىن ورتاعا سالدى.
