جاپونيا 2031 جىلدىڭ ناۋرىزىنا دەيىن تايۆانعا نەبارى 110 شاقىرىم جەردە ورنالاسقان يوناگۋني ارالىنا جەر-اۋە زىمىراندارىن ورنالاستىرۋدى جوسپارلاپ وتىر. بۇل تۋرالى ەلدىڭ قورعانىس ءمينيسترى سيندزيرو كويدزۋمي مالىمدەدى.
ورتا قاشىقتىقتاعى زىمىران جۇيەسى اۋە نىساندارى مەن زىمىرانداردى توسىپ الۋعا قابىلەتتى. ونىڭ ارەكەت ەتۋ راديۋسى شامامەن 50 شاقىرىمدى قۇرايدى جانە ءبىر مەزگىلدە بىرنەشە نىساندى باقىلاي الادى.
توكيو بۇل قادامدى ايماقتاعى قاۋىپسىزدىك جاعدايىنىڭ شيەلەنىسۋىمەن بايلانىستىرادى. جۇڭگو تايۆاندى ءوز اۋماعى دەپ سانايدى جانە قاجەت بولعان جاعدايدا كۇش قولدانۋى مۇمكىن ەكەنىن جوققا شىعارمايدى. بۇعان دەيىن بەيجىڭ جاپونيانى «ايماقتىق شيەلەنىستى كۇشەيتىپ وتىر» دەپ ايىپتاعان.
سوڭعى شەشىم جاپونيانىڭ قورعانىس الەۋەتىن ارتتىرۋ ساياساتىنىڭ ءبىر بولىگى رەتىندە باعالانۋدا.
