الماتى وبلىسىندا «جاسىل بولاشاق» جانە «تازا قازاقستان» رەسپۋبليكالىق ەكولوگيالىق اكسيالارى اياسىندا اۋقىمدى سەنبىلىك ءوتىپ، وعان 47 مىڭنان استام ادام قاتىستى

25 ءساۋىر كۇنى وتكەن ەكولوگيالىق شارا بارىسىندا ءوڭىر بويىنشا 762 گەكتاردان استام اۋماق تازارتىلىپ، 2307 توننادان استام قوقىس شىعارىلدى. سونىمەن قاتار، 21 مىڭنان استام كوشەت وتىرعىزىلدى. جالپىوبلىستىق اكسياعا 287 بىرلىك تەحنيكا جۇمىلدىرىلدى.

اۋقىمدى اكسيانىڭ باستى وقيعالارىنىڭ ءبىرى قونايەۆ قالاسىندا ۇيىمداستىرىلدى. بەردىبەك سوقپاقبايەۆ اتىنداعى ورتالىق ساياباقتا مەملەكەت باسشىسى قاسىم-جومارت توقايەۆتىڭ قاتىسۋىمەن تەلەكوپىر ءوتىپ، ونىڭ اياسىندا 100 ءتۇپ اعاش ەگىلدى.

ەكولوگيالىق اكسيا ءوڭىردىڭ بىرنەشە اۋدانىن قامتىدى. ىلە اۋدانىندا 2093 ادام قاتىسىپ، 1290 ءتۇپ اعاش وتىرعىزىلىپ، 77،1 توننا قوقىس شىعارىلدى. تالعار اۋدانىندا 600 ءتۇپ كوشەت ەگىلسە، قاراساي اۋدانىندا «التىن تاعا» زاۋىتىنىڭ قولداۋىمەن 1000 ءتۇپ اعاش وتىرعىزىلىپ، سەنبىلىككە 5000-نان استام ادام جۇمىلدىرىلدى.

شاراعا قوعام بەلسەندىلەرى، جاستار ۇيىمدارى، ەرىكتىلەر، كاسىپكەرلەر مەن قالا تۇرعىندارى قاتىستى.

وبلىس اكىمدىگىنىڭ مالىمەتىنشە، مۇنداي اكسيالار تۇرعىنداردىڭ قورشاعان ورتاعا جاۋاپكەرشىلىگىن ارتتىرىپ، تازالىق مادەنيەتىن نىعايتۋعا ىقپال ەتىپ كەلەدى.

ايتا كەتەيىك، پرەزيدەنت باستاماسىمەن جۇزەگە اسىپ جاتقان «تازا قازاقستان» باعدارلاماسى اياسىندا الماتى وبلىسىندا جۇيەلى جۇمىستار جالعاسۋدا. بيىل 28 اقپان مەن 23 ءساۋىر ارالىعىندا وڭىردە 697 ءىس-شارا ۇيىمداستىرىلىپ، وعان 344 مىڭنان استام ادام قامتىلعان. وسى كەزەڭدە 59 مىڭنان استام اعاش وتىرعىزىلىپ، 1979 توننا قوقىس شىعارىلعان.

2026–2030 جىلدارعا ارنالعان جوسپارعا سايكەس، الماتى وبلىسىندا جىل سايىن شامامەن 220 مىڭ ءتۇپ اعاش وتىرعىزۋ كوزدەلگەن. بۇگىنگى ەكولوگيالىق اكسيالار مەملەكەتتىك باستامالاردىڭ ناقتى ناتيجەسىن كورسەتىپ قانا قويماي، قوعامنىڭ ورتاق ىسكە جۇمىلا الاتىنىن تاعى ءبىر مارتە دالەلدەدى.