الماتى قالاسىنداعى ستۋدەنتتىك جاتاقحانالار قۇرىلىسى بويىنشا جوبالىق كەڭسە ينۆەستورلاردى جاڭا قۇرىلىس جانە قايتا جاڭعىرتۋ جوبالارىنا قاتىسۋعا شاقىرادى. باستاما مەملەكەتتىك سۋبسيديالاۋ باعدارلاماسى اياسىندا ىسكە اسىرىلىپ، ستۋدەنتتەر ءۇشىن زاماناۋي ءارى قولجەتىمدى تۇرعىن ءۇي سانىن ارتتىرۋدى كوزدەيدى.

مەملەكەتتىك سۋبسيديالاۋ - الەۋمەتتىك جانە ستراتەگيالىق ماڭىزى بار سالالاردى دامىتۋعا باعىتتالعان قارجىلىق قولداۋ تەتىگى. بۇگىندە الماتىداعى ستۋدەنتتەردى جايلى جانە ساپالى جاتاقحانامەن قامتاماسىز ەتۋ مەملەكەتتىك ساياساتتىڭ باسىم باعىتتارىنىڭ ءبىرى بولىپ وتىر.

باعدارلاما اياسىندا ينۆەستورلارعا جاڭا جاتاقحانا قۇرىلىسىن جۇرگىزۋ نەمەسە قولدانىستاعى عيماراتتاردى قايتا بەيىمدەۋ مۇمكىندىگى ۇسىنىلادى.

جوبا ينۆەستورلار ءۇشىن ءبىرقاتار ءتيىمدى ارتىقشىلىقتاردى قاراستىرادى. اتاپ ايتقاندا، ستۋدەنتتەردىڭ تۇرۋ اقىسى ەسەبىنەن تۇراقتى تابىس تابۋ، جاتاقحانا اۋماعىنداعى كوممەرسيالىق كەڭىستىكتەردى پايدالانۋ، بانكتىك نەسيە بويىنشا سۋبسيديا الۋ، جەر تەلىمدەرىن راسىمدەۋ مۇمكىندىگى بار. سونىمەن قاتار قۇجاتتاردى راسىمدەۋ بارىسىندا تەگىن زاڭگەرلىك كەڭەس پەن تولىق سۇيەمەلدەۋ كورسەتىلەدى.

الماتى قالاسىندا ستۋدەنتتىك جاتاقحانالار سانىن كوبەيتۋ ماقساتىندا قۇرىلعان جوبالىق كەڭسە مەملەكەتتىك باعدارلامانىڭ جۇزەگە اسىرىلۋىن ۇيلەستىرۋ جۇمىستارىن جۇرگىزىپ كەلەدى. قازىرگى ۋاقىتتا باعدارلاماعا 120-دان استام ينۆەستور قىزىعۋشىلىق تانىتقان. بۇل ستۋدەنتتىك ينفراقۇرىلىمدى دامىتۋعا بيزنەس قاۋىمداستىق تاراپىنان جوعارى سۇرانىس بار ەكەنىن كورسەتەدى.

بايلانىس مالىمەتتەرى:

📍 مەكەنجاي: الماتى قالاسى، بايتۋرسىن ۇلى كوشەسى، 22ك1، 4-قابات

📞 تەلەفون: +7 701 528 28 37

👤 بايلانىس تۇلعاسى: دامير كۋتۋموۆ، جوبالىق كەڭسە جەتەكشىسى

الماتىداعى زاماناۋي ستۋدەنتتىك ينفراقۇرىلىمدى دامىتۋعا بىرگە ۇلەس قوسىڭىز!