مەملەكەت باسشىسىنىڭ «ۇلى دالانىڭ جەتى قىرى» اتتى ماقالاسى ونىڭ قوعامدىق سانانى جاڭعىرتۋعا قاتىستى شىققان ماقالاسىنىڭ لوگيكالىق جالعاسى بولىپ تابىلادى. ماقالا «ۇلت تاريحىنداعى كەڭىستىك پەن ۋاقىت»، «تاريحي سانانى جاڭعىرتۋ» اتتى بولىمدەردەن تۇرادى. پرەزيدەنت اتالمىش ماقالاسىندا ۇلتتىق بولمىسىمىزدى ساقتاپ، تاريحىمىزدى جاڭعىرتۋ ماسەلەسىنە كەڭىنەن توقتالعان. جاپپاي جاھاندانۋ ءجۇرىپ جاتقان قازىرگى ۋاقىتتا جەر بەتىندەگى حالىقتاردىڭ كوبى وزىندىك ءتولتۋما ۇلتتىق، كوركەم ەرەكشەلىكتەرىنەن ايىرىلۋدا. وسى تۇستا، قازاق ەتنوسىنىڭ ءتىلى مەن ءدىلى، پسيحولوگياسى مەن دۇنيەتانىمى، مادەني قازىناسى، ۇرپاقتار قادىرلەيتىن مۇراسى بولىپ دامۋى قازىرگى كەزەڭنىڭ باستى ماسەلەسى بولىپ وتىر.
جاھاندىق سۇحباتتا ەلىمىزدىڭ بەينەسىن تانىتاتىن ۇلتتىق ءدىلىمىز، ۇلتتىق بولمىس پەن دۇنيەنى تانۋ ەرەكشەلىكتەرى، سالت-ساناسى مەن ابىرويلى ءداستۇرى، ۇلتتىق ءتىلى مەن ءدىني ساۋاتى، اتا تاريحى، جەر قويناۋىنداعى بايلىقتارى بولماق. ەڭ نەگىزگىسى، الەمدىك سان سالالى تارتىستا تاۋەلسىز ەلدىڭ ءقادىرى ونىڭ تاريحى، ءتىلى، كونە اتا-بابا ءداستۇرىنىڭ قولدانۋ اياسى جانە ماڭىزدىلىعىمەن ولشەنەدى. تولەرانتتىلىق، اشىقتىق، داستۇرگە دەگەن قۇرمەت، جاڭاشىلدىقتى قابىلداي الۋ، تابيعاتقا جاقىندىق سياقتى تۇركى مادەنيەتىنىڭ ءداستۇرلى قۇندىلىقتارى زاماناۋي الەمدىك وركەنيەتكە اۋاداي قاجەت. مىنە، ەلباسىنىڭ پاتريوتيزم مەن تۋعان ەلگە دەگەن سۇيىسپەنشىلىكتى، ۇلتارالىق قاتىناستى نىعايتۋ، ءوز مادەنيەتىمىز، ءداستۇرىمىز بەن ءتىلىمىزدى ساقتاپ قالۋ، الەۋمەتتىك جانە ساياسي تۇراقتىلىقتى ورناتۋ، ونىڭ تاريحىن زەرتتەۋ مەن ناسيحاتتاۋعا باعىتتالعان اتالمىش ماقالاسى وسى تۇرعىداعى العا قويىلعان ءبىراز مىندەتتەردى مۇدىرمەي ورىنداپ، مەملەكەتتىڭ حالىقارالىق ارەناداعى بەدەلىن ارتتىرۋعا ءوز ۇلەسىن قوسادى.
دينارا جاڭابايەۆا
