Карантин жеңілдейді. Алексей Цой мәлімдеме жасады

Денсаулық сақтау министрі Алексей Цой   20 қазаннан бастап карантин шаралары жеңілдейтіні туралы айтты. Денсаулық министрі бұл туралы үкімет отырысында хабарлады.

2021 жылдың 20 қазанынан бастап:

Келушілер COVID-19-ға қарсы вакцинациялаудың толық курсын алғаны туралы құжатты немесе ПТР анықтамасын ұсынған кезде қарттар мен мүгедектер үйі, балалар үйі сияқты медициналық-әлеуметтік объектілердің пациенттеріне баруға рұқсат беріледі.

Түнгі клубтардың қызметі тек "жасыл" мәртебесі бар адамдарға рұқсат етіледі, бірақ:

• толымдылығы 50%-ға дейін, "жасыл аймақта" 100 адамнан артық емес;
• "сары аймақта" 70 адамнан артық емес;
• "қызыл аймақта" 50 адамнан артық емес болуы шарт.

Ashyq жобасына қатысатын бизнес объектілерінің:

•  жұмыс уақыты "жасыл аймақта" сағат 03-00-ге дейін, Ashyq жобасының көшбасшылары - сағат 05-00-ге дейін, 
•  "сары аймақта" сағат 01-00-ге дейін, Ashyq жобасының көшбасшылары - сағат 03-00-ге дейін ұзартылады.