Қаржы министрінің бұйрығымен Әнуар Жұмаділдаев берген өтінішіне сәйкес Қаржы министрлігі Қазынашылық комитетінің төрағасы қызметінен босатылды. Бұл туралы премьер-министрліктің баспасөз қызметі хабарлады.

Әнуар Жұмаділдаев 1965 жылы Қызылорда облысында дүниеге келген. Патрис Лумумба атындағы халықтар достығы университеті мен Батыс Қазақстан инженерлік-технологиялық университетін бітірген.

Әр жылдары ҚМ Қаржылық бақылау комитеті мен Ішкі мемлекеттік аудит комитетін басқарды.

2017-2019 жылдары Қаржы министрлігінің қаржылық мониторинг комитетінің төрағасы қызметін атқарды.

2019-2020 жылдары Қаржы министрлігінің Ішкі мемлекеттік аудит комитетінің төрағасы болды.

2020 жылғы шілде айында Қаржы министрлігі Қазынашылық комитетінің төрағасы болып тағайындалған.