Он күн бұрын жоғалып кеткен астаналық студент Бақтияр Жаманғараев Қарағандыдадағы жалдамалы пәтерлердің бірінен табылды, - деп хабарлайды Qamshy.kz Астана қалалық ІІД баспасөз қызметіне сілтеме жасап.

"20 тамызда Астана қалалық ІІД жедел уәкілдері Жаманғараевтың Қарағанды қаласындағы жалдамалы баспанада екендігін анықтады. Ол жедел-іздестіру шараларының барысында табылды. Бастысы аман-есен. Қазір ол туыстарымен бірге. Оған қатысты заңға қайшы әрекет болмады", - деп хабарлады қалалық ІІД баспасөз бөлімінен.

Естеріңізге сала кетейік, 11 тамыз күні Астанада Қазақ гуманитарлық-заң университетінің түлегі Бахтияр Жаманғараев жоғалып кеткен болатын. Анықталғанындай, жігіттің көлігі ломбардқа тапсырылған. Жоғалып кетердің алдында Бахтияр букмекерлік кеңселердің бірінде бәс тіккен, оның құмар ойындарға әуес болғаны да белгілі.