Қазақстанда Қытай азаматтарына шаруашылыққа пайдаланылатын жерді жалға берді, деп хабарлады ҚР премьер-министрінің орынбасары Бақытжан Сағынтаев. "Жер телімдері тек қытай азаматтарына ғана емес, Ресей мен басқа шетел азаматтарына берілді" деді Сағынтаев ҚР Президенті жанындағы орталық коммуникация қызметінің брифингінде.
КазТАГ ақпаратына сүйенсек, Сағынтаев мырза ҚР жер телімдері кодексіне сай шетелдік азаматтар мен шетелдік компанияларға жалға жер беру шектелмейтіндігін айтты. "Біз жекеменшікті сатып отырған жоқпыз. Жер телімдері кодексінде нақты көрсетілгендей, он жылға ғана жалға жер беріледі. Мынадай мысалдар келтіруге болады: ШҚО және Ақмола облыстарында дәл ауыл шаруашылығына арнайы жер телімдері бөлінген болатын. Біз ол жерлердің кімге және қанша жылға және қанша гектар екенін білеміз" деді үкімет басшысының орынбасары. Жер берілгені туралы ашық айтса да, оның кімге және қанша жер берілгенін жұмбақ күйінде қалдырды.
