Қытай президенті Си Цзиньпин ресми сапармен Астанаға келді деп хабарлайды Қамшы тілшісі.
ҚХР төрағасын әуежайдан ҚР Премьер-Министрінің орынбасары Асқар Мамин мен ҚР Сыртқы істер министрі Қайрат Әбдірахманов қарсы алды.
Сондай-ақ, Ресей президенті Путин де Астанаға келген.
Қазақстанның ең ірі екі серіктес елі басшылары Астанада 8-9 маусым күндері өтетін ШЫҰ саммитіне қатысады.
Айта кетсек, Шанхай ынтымақтастық ұйымы 2001 жылы Қытай жетекшілігімен құрылған. Оған Қытай мен Ресейден басқа Орта Азия елдерінен Қазақстан, Қырғызстан, Өзбекстан, Тәжікстан мүшелік етеді.
