Көкшетауда суицидті насихаттаған 15 веб-сайттың жұмысы тоқтатылды, деп жазады Қамшы ақпарат агенттігі. Бұл туралы облыстық прокуратураның баспасөз қызметі мәлімдеді.
Суицидті насихаттайтын сайттардың жұмыс істеп жатқаны интернет ресурстарға арнайы мониторинг жүргізу барысында байқалған. Аталмыш сайттарға 1 млн 891 мың 267 адам тіркелген екен. Ал олардың 3 мыңнан астамы - кәмелетке толмағандар.
Бұл сайттар сондай-ақ өз қолданушыларына суицидті қалай жасау қажеттігін түсіндіріп қана қоймай, порнографиялық материалдарды да насихаттап отырған.
Қазіргі таңда сот шешімімен ол сайттар бұғатталды.
Пікір қалдыру