Өткен аптада Алматыдағы Жамбыл атындағы филармонияда Қытайдан келген қандастырымыздың «Елге сәлем» атты концерті өтті. Тек шекараның арғы бетіндегі әншілер ғана емес, еліміздің өнер жұлдыздары қатысқан думанды кешті жұрт жылы қабылдады. Мың адамға жуық залда ине шаншар орын болған жоқ.

Арғы бет пен бергі бетті әуенмен жалғаған бұл кешті Шыңжаң өлкесіне аса танымал «Жаңа әуен» концерттік компаниясының директоры Ербосын Нұрмұқанұлы ұйымдастырды(http://qamshy.kz/?p=15994).

Назарларыңызға аталған концерттен шағын бейнекөрініс пен Қытайдағы 1,5 миллион қандасымыздың көз қуанышына айналған эстрада жұлдыздары Ахметжан Рабжан және «Дос» тобының мүшесі Бақыткелді Мұқашұлының сұхбатын ұсынамыз. Ахметжан мен Бақыткелдінің қарапайым ортада қара домбыра мен сырлы гитарада қалай ән шырқағанын тыңдағыңыз  келсе бейнесұхбатқа қараңыз.