Алматы әкімі Бауыржан Байбек Алматыда 500 теңгеге түстенуге болатынын айтқан еді. Qamshy.kz ақпарат агенттігінің журналисі Алматы дәмханаларының бағаларын біліп, қалада 500 теңгеге тамақтану қаншалықты мүмкін екенін тексеріп көрді. Нәтижесі төмендегідей.
- «Қағанат» асханасы. Мұнда лағман 475 теңге тұрады. Ал жарты порциясы – 375 теңге. Варениктің жарты порциясын 215 теңгеге сатып ала аласыз. Ал сорпа бағасы 345 теңгеден басталады. Аталмыш асхананы қаланың кез келген жерінен кездестіруге болады.
- «Тағам» дәмханасы. Мұнда мантының біреуі 100 теңге тұрады. 4 манты алып, қалған 100 теңгеге шай іше аласыз. 30 теңгеңіз өзіңізде қалады. Сорпаны 250 теңгеге іше аласыз. Аталмыш дәмхана Қонаев көшесінде орналасқан.
- «Basilic» дәмханасы. Шевченко көшесінде орналасқан. Мұнда сорпа 85 теңгеден басталады. Тұшпара – 450 теңге.
- «Достар» кафесі. Мұнда сұйық тағамдарды 450 теңгеге сатып аласыз. Лағман – 550 теңге тұрады.
- «Үрімжі» асханасы. Мұнда лағманның түр-түріне тапсырыс бере аласыз. Оның ең қымбаты – 500 теңге.
Осыдан шығатын қорытынды – егер қалтаңызда 500 теңгеңіз ғана болса аш қалмайсыз. Алматыда аталмыш соммаға дәмді әрі тойымды тамақ жеуге болады. Тек түстенетін орынды дұрыс таңдасаңыз болғаны.
