Бүгін Сүлейман Демирел университетінде дәстүрлі  университетаралық ақындар айтысы өтеді. Айтыстың биылғы тақырыбы – білім және түркі халықтарының рухани ынтымақтастығы. Қазақтың баға жетпес сөз өнері мұрасының бірі – айтыс. Айтыс ең әуелі  дәуір шындығының көрінісі. Айтыста әрбір проблема не әлеуметтік биік сана, үлкен ақындық бейнелі тілмен, шабытты жырмен жеткізіледі. Ахмет Байтұрсынұлы «айтыс-тартыс ішкі ғалам мен тысқы ғаламның түйіскенін көрсететін сөз түрі» деп түйеді. Асылында, ақындар айтысы да өмірдің шынайы драмасы. Айтыс – таным. Айтыс – ғибрат. Айтыс – күрес. Өмірлерін өнерге арнап, айтыс арқылы бір империяның бауырын сөзбен езгілеген Жамбыл, Нұрпейіс, Иса, Доскей, Шашубай, Нартай, Орынбай, Нұрлыбек, Қалқа, Сәттіғұл, Нұрқан, Болман, Маясар, Қуаныш, Жолдыкей, Кенен, Қалихан Алтынбаев, Тәңірберген Әміренов, Манап Көкенов, Ақілгек Жүргембекова, Көкен Шөкеев, Әселхан Қалыбекова, Әсия Беркенова, Қонысбай Әбілев, Аяз Бетбаев, Шынболат Ділдабаев, Жадыра Құтжанова сынды аға ұрпақ өкілдері бүгінгі жастарға өнеге. Қазіргі таңда да танылмаған дарындар жеткілікті. Сүлеймен Демирел университеті филология факультетінің бұл игі бастамасы ұлттық өнерді дәріптеуді, талантты ақындарға қолдау көрсетуді көздейді. Айтысқа айтулы ел ағалары мен жас ақын, ғалымдар төрелік етеді. Тақырыпқа шектеу жоқ. Басты ұстаным – шапшаң, тұжырымды, көшелі ой айту. Жүлделі орындар саны – алты. Айтысты биылғы ерекшелігі – республикалық «Жыр дода» жас ақындар айтысының шешуші үшінші кезеңіне жолдама алған ақындардың қатысатындығында. Қадірлі қазақ өнерінің жанашырлары айтысқа келіп, рухани азық алып қайтыңыздар! Дүбірлі додаға Қытай Халық республикасының, қырғыз және башқұрт жас ақындарының өкілдері қатынасады. Сонымен бірге айтыста республикамыздың он жеті университеттің студенттері бақ сынайды.

 

Ұйымдастыру комитетінің мекенжайы:

Қазақстан Республикасы, Алматы облысы, Қаскелен қаласы.

Веб-сайт:  www.sdu.edu.kz

Сүлеймен Демирел Университеттінің бірінші қабатындағы акт залы.

Басталуы: сағат 10.00

Толығырақ мәліметті мына байланыс жүйелері арқылы  алуға болады:

Сот.: 8775 9198099; 8 701 232 90 57; academ_kz@mail.ru