Жапония 2031 жылдың наурызына дейін Тайваньға небәрі 110 шақырым жерде орналасқан Йонагуни аралына жер-әуе зымырандарын орналастыруды жоспарлап отыр. Бұл туралы елдің қорғаныс министрі Синдзиро Коидзуми мәлімдеді.

Орта қашықтықтағы зымыран жүйесі әуе нысандары мен зымырандарды тосып алуға қабілетті. Оның әрекет ету радиусы шамамен 50 шақырымды құрайды және бір мезгілде бірнеше нысанды бақылай алады.

Токио бұл қадамды аймақтағы қауіпсіздік жағдайының шиеленісуімен байланыстырады. Қытай Тайваньды өз аумағы деп санайды және қажет болған жағдайда күш қолдануы мүмкін екенін жоққа шығармайды. Бұған дейін Бейжің Жапонияны «аймақтық шиеленісті күшейтіп отыр» деп айыптаған.

Соңғы шешім Жапонияның қорғаныс әлеуетін арттыру саясатының бір бөлігі ретінде бағалануда.