Елордалық туберкулезге қарсы диспансердің базасында коронавирусты жұқтырды деп күдіктенген науқастарды тексеру үшін 150 орынға арналған инфекциялық бөлімше дайын, деп хабарлайды 24.kz .
Мекеме қаладан тыс жерде орналасқан. Онда алты адам тексеріліп жатыр.
Науқастарды госпитализациялауға 10 жедел жәрдем бөлінді. Орталық басшылығы оларды барлық құрал-жабдықтармен және дәрі-дәрмектермен қамтамасыз етеміз деп отыр.
Қалалық фтизиопульмонология орталығының директоры Анна Цепкенің сөзінше, бұл бөлімнің ерекшелігі - оқшауланған желдету бар. Және кіріп-шығатын есіктерден басқа науқастар жүрмейді. Науқастарды жеке-жеке қабылдайтындай жағдай жасалған. Барлық бөлмелер оқшауланған.
Пікір қалдыру