«Almaty» arnasyndaǵy «Ótkir til» baǵdarlamasyna qatysqan aqyn Ulyqbek Esdáýlet jýrnalıs Nartaı Aralbaıulynyń óner men óleń, el ómiri men qoǵam tynysyna qatysty aýaldaryna jaýap berdi, - dep habarlaıdy Qamshy.kz.

Áńgimege arqaý bolǵan taqyryptardyń ishinde qoǵamdaǵy jer daýy, ulttyq bolmys pen dinı ahýal da bar.

«Sońǵy jaǵdaılar «Elim» degen biraz adamnyń bet perdesin ashty. Áleýmettik jelidegiler qazir Bekbolatshylar men ultshyldar bolyp ekige bólingen. Siz sonyń qaısy jaǵyndasyz degen suraqqa aqyn:

«Men ásire dinshildikti onsha jaqtyrmaımyn. Onyń týrasyn aıtý kerek. Etıka degen sıaqty qoǵamnyń bir ala jibi bolady. Olar sol ala jipten attap ketken sekildi kórinedi. (...) Ol jaqta oqý ótip ketkender de, oqý jetpegen dúmsheler de bar. (...) Musylmandardyń ishine iritki salýshylarǵa aqsha tóleıdi degendi de estımiz. Men Bekbolatty synaǵan taraptamyn. Men Bekbolattyń janynda balaǵynan saqaly uzyn adamdardyń júrgenin qalamaımyn. Maǵan qazirgi dinshil Bekbolattan ánshi Bekbolat, ónerli Bekbolat jaqyn, halyqqa da solaı. Men sol Bekbolatty saǵynam. Qazir jurtqa ýaǵyz aıtyp júrgen Bekbolat sondaı bir dinı mektepte oqı qoıdy dep te aıta almaımyn», - dep jaýap berdi.