Qytaılyq kompanıa Soltústik Qazaqstanda maıly daqyl óńdeý zaýytynyń qurylysyn bastady, - dep habarlaıdy Qamshy.kz Azattyqqa silteme jasap.

Soltústik Qazaqstan oblysynda qytaılyq «Aıszú» kompanıasy maıly daqyldardy qaıta óńdeıtin birlesken kásiporyn zaýyty qurylysyn bastady. Zaýyt Taıynsha aýdanyna qarasty Ilıchevka aýylynda turǵyzylmaq. Birlesken jobaǵa qytaılyq ınvestorlar qazirge deıin 30 mıllıon dollar qarajat quıǵan. Jobaǵa áli 100 mıllıon dollar kóleminde ınvıstısıa quıý josparlanyp otyr. Zaýyt Soltústik Qazaqstan oblysynan jylyna 300 myń tonnaǵa deıin maıly daqyldardy satyp alady jáne kúnine bir tonna maı shyǵarady dep josparlanǵan.

«Aıszú» kompanıasynyń prezıdenti Heı Dzányń sózinshe, Qazaqstanda qaıta óńdeý zaýytyn salýdyń múmkindigi zor.

- Biz Qazaqstandyq ónimdi organıkalyq taza ónim dep bilemiz. Sondyqtan ol Qytaı naryǵynda úlken suranysqa ıe bolady. Qytaı jylyna 17 mıllıon tonna maı ónimderin shetten ákeledi. Qazaqstanda qaıta óńdeý zaýytyn salý úlken múmkindikter beredi dep oılaımyz jáne biz Qytaıda esportty bir jónge keltiremiz, - dedi Heı Dzá.

Soltústik Qazaqstan oblysynyń ákimi Erik Sultanov bul joba sátti júzege assa kompanıa basshylyǵy taǵy jeti zaýyt salýdy josparlap otyrǵanyn aıtady.