Almaty qalasy Alataý aýdany Alǵabas yqsham aýdanyndaǵy qulaǵaly turǵan kóp qabatty úıdi «Astana EXPO-2017» menedjeri basqaratyn kompanıa salǵan, - dep habarlaıdy Qamshy.kz Today.kz-ke silteme jasap.

Keshe túnde turǵyndary shuǵyl jaǵdaıda kóshirilgen kóp qabatty úıdi salǵan «Astana-qurylys» AQ-ynyń prezıdenti Bolatqan Sandyqbaev «Astana EXPO-2017 qurylys dıreksıasy» fılıalynyń da basshysy kórinedi. B. Sandyqbaevtyń sondaı-aq, Qazaq bas qurylys jáne sáýlet akademıasy qamqorshylar keńesiniń de múshesi ekeni anyqtalyp otyr.

Esterińizge salsaq, 1 maýsym kúni Alǵabas yqsham aýdanyndaǵy toǵyz qabatty turǵyn úıdiń biri 32 santımetrge qısaıyp, turǵyndary qaýipsiz jerlerge kóshirilgen bolatyn. Qazir úıdiń ne úshin mundaı kúıge túskenin quramyna birqatar mamandar kiretin arnaıy komısıa zerttep jatyr. Atalǵan úı 2013 jyly memlekettik komýnaldyq qurylys baǵdarlamasy aıasynda turǵyzylyp, 2015 jyly paıdalanýǵa berilgen.

Arnaıy komısıa apatty jaǵdaıdyń týyndaý sebepterin erteń saǵat 15.00-de jarıalaıtynyn habarlady.