QazAqparat halyqaralyq aqparat agenttiginiń jýrnalıseri naýryzdan beri aılyq almaǵan. Osyǵan oraı qalam ustaǵandar narazylyq aksıasyn bastamaq. Agenttik qyzmetkerleri Aqparat jáne komýnıkasıa, densaýlyqsaqtaý jáne áleýmettik damý mınıstrlerinen máselege aralasýdy surap hat jazýda, - dep habarlaıdy Qamshy.kz «Qazaqstan jańalyqtaryna» silteme jasap.

Jýrnalıser taratqan habarlamada olardyń sońǵy ret 2016 jyldyń qańtar, aqpan aılarynyń jalaqysyn naýryz aıynda alǵany aıtylady. Sodan beri agenttik qyzmetkerleri eńbekaqysyz jumys istep kelgen.

«19 naýryzdan bastap elde kóptegen oqıǵalar boldy... Parlament saılaýy ótti, jer máselesi kóterildi, jer reformasy jóninde úlken komısıa qurylyp, jańa mınıstrlik paıda boldy. tek «QazAqparat» qyzmetkerleriniń jalaqysyna qatysty ǵana esh ózgeris bolmaı otyr. Bireýler muny qasaqana sozyp otyrǵandaı kórinedi. Agenttiktiń jalaqy máselesin sheshý memleket deńgeıinde múmkin bolmaı otyr», - delingen jýrnalıser taratqan habarlamada.

Jýrnalıser 17 mamyr kúni «QazAqparat» HAA» JSHS basshylyǵyna ereýilge shyǵatyndaryn jetkizgen kórinedi. Alaıda, agenttik basshysy D. Dıarov kelesi aptada eńbekaqy tólenedi dep sendirgen. Alaıda, 27 mamyr kúni D. Dıarov ujymdy qaıtadan jınap: «Barlyq qujattarǵa qol qoıyldy, aqsha qazynashylyq basqarmasyna ketti, endi «Qazkontent» AQ-y «QazAqparatqa» aqsha aýdarǵanyn kútý kerek. Bank operasıalary búgin aıaqtalmasa, dúısenbi kúni aılyq alasyzdar», - degen.

«Biraq, búgin dúısenbi túgili, beısenbi boldy. bizge birese qujattar ázir boldy, birese ózgerister enedi, taǵy bireýler qol qoıý qajet dep otyr. Bizdiń jalaqymyzdyń endigi taǵdyry «Qazkontent» pen burynǵy aqparat jáne baılanys komıtetiniń basshysy T. Qazanǵaptyń qolynda kórinedi», - deıdi jýrnalıser.

95 jyldyq tarıhy bar agenttik qyzmetkerleri jalaqy máselesi sheshilmese kelesi aptada Prezıdentke hat jazatyndaryn aıtyp otyr.

Esterińizge salsaq, aqparat agenttiginde eńbekaqyny keshiktirý jaǵdaıy burynyraqta da oryn alǵan bolatyn.