Biz jer máselesin talqylaǵanda bolashaqty, elimizdi, halqymyzdy oılaýymyz kerek. syrttan kelgen kisi Qazaqstandy kótertemin, kórkeıtemin dep kelmeıdi. Bul – Kókshetaýda ótip jatqan Jer reformasy jónindegi komısıanyń alǵashqy kóshpeli otyrysyna qatysqan QR Densaýlyq saqtaý isiniń úzdigi Bolat Janádilovtiń sózi. Bul týraly Qamshy.kz habarlaıdy.

«Eldiń taǵdyry, halyqtyń taǵdyry bizdiń elimizdiń bolashaǵy –jer máselesi. ...Táýelsizdigimizdiń bolashaǵy, bizdiń qoǵamymyzdyń turaqtylyǵy men birliktiń máselesi. Biz komısıa otyrysynyń jumystaryn telearnalardan da, «Egemen Qazaqstan» betterinen de oqyp otyramyz. Komısıa músheleriniń sóılegenine keıde súısinesiń, keıde kúıinesiń. Máselen, 23 mamyrda «Serpilis» baǵdarlamasynda Murat Ábenov myrzanyń aıtqan sózi bar: «Jer máselesine jerge qatysty sharýasy joq kisiler aralasyp jatyr», - dep. Sonda bul qalaı? Jer, men oılaımyn, ár azamattyń bul týraly quqyǵa bar, haqysy bar aıtýǵa», - dedi Bolat Janádilov.

Kókshetaýlyq azamat pikirin ortaǵa sala otyryp, jerdi jalǵa berýge, onyń ishinde sheteldikterge jalǵa berýge úzildi-kesildi qarsy ekenin jetkizdi. Sonymen qatar aýyl sharýashylyǵymen aınalysyp júrgen usaq sharýalardy biriktirip, úlken uıym qurý arqyly olarǵa kómek kórsetý kerektigin alǵa tartty.

«Meniń oıymsha, syrttan kelgen kisi Qazaqstandy kótertemin, kórkeıtemin dep kelmeıdi. Ol óz paıdasymen keletinin biz bárimiz de bilemiz. Elde eń negizgi ınvestor – Úkimet. Úkimet qarjy bóldi. Birneshe jyldan beri bizde josparlar bar. Aýyldy kórkeıtemiz dep qyrýar aqsha bólindi. Sol aqshalar qaıda ketti? Sol aqshalar nege aýylǵa jetpedi.? Nege aýyl bizde quryp jatyr? Nege aýyldan jastar ketip jatyr? Sol mlrd aqashalar óziniń tıisti jerine baratyn bolsa, sol aýyldarǵa jetetin bolsa, aýyl mundaı jaǵdaıǵa kelmes edi. Sondyqtan bizde osyny tikeleı naqtylaıtyn qoǵamda ókimet bolý kerek», - dedi Bolat Janádilov.

Kelesi kezekte Aqmola oblysynyń turǵyny jerdiń kartasyn jasaý máselesine toqtaldy.

«Qansha jer shabyndy, jaıylymdy, egin salatyn jer... Solardyń ıeleri kim? Nege biz ol jerlerdi qunarly emes, qunarsyz dep aıtamyz. Onyń ıeleri ne bitirdi? Ol búgin ǵana alyp otyr ma paıdasyn? Bolashaqty nege oılamaıdy. Eger olar jumys istemese, ol jerdi alyp qoıý kerek. Ol búgingi kúnin ǵana oılap otyr. Al biz jer máselesi jóninde bolashaqty oılaýymyz kerek, elimizdi oılaýymyz kerek, halqymyzdy oılaýymyz kerek», - dep qorytty óz oıyn Bolat Janádilov.