Jer komısıasynyń múshesi Dos Kóshim jer reformasyna narazylardy qýdalaý isine nazar aýdartty, - dep habarlaıdy Qamshy.kz.

Saıasatker Kókshetaýda ótip jatqan jer komısıasynyń otyrysynda sóılegen keı azamattardyń pikrine qarsylyq bildirdi.

«Ózi tarıh qaıtalanady eken. Kezinde 1986 jyly da bizdi nashaqor, maskúnem dep aıyptaǵan. On jyl ótken soń ataq berip, eskertkish qoıdy. Búgin qýǵyndalyp jatqan 51 adamǵa da eskertkish qoıamyz erteń. Sondyqtan mıtıńke shyǵýǵa shaqyrǵandardy durys qabyldaıyq. Erteń barlyǵy ózgeredi. Bıyl 16 jyl. Biraq, osynda sóılegen keı azamattardyń sózine qarasaq, 2016 jyl emes, 1936 jyl sıaqty. Keler jyly 1937 jyl bola ma? Óıtkeni, prokýratýra qazirdiń ózinde keshegi mıtıńke shyǵam deýshilerdi qarjylandyrý kózin izdeýge kiristi. Olardy da 37-jyldardaǵydaı japon tyńshysy eteıik», - degen ol qazaq tarıhyndaǵy ereýilderdiń mańyzyna toqtaldy.

«Bizge táýelsizdik aspannan túsken joq. Eshkimnen satyp almadyq. «Belovejeskaıa pýshadan» surap almadyq. 1986 jylǵy bozdaqtar alyp berdi táýelsizdikti. Keshegi Shańyraq oqıǵasy da solaı boldy. El baspanasyn qorǵady, qanshama adamdy qamadyq, bir adam qaza boldy. Báribir bılik solarǵa keıin qujattaryn rettep berdi», - degen D. Kóshim máseleni ýshyqtyrmaýǵa shaqyrdy.