Almatynyń Alǵabas yqsham aýdanyndaǵy qısaıǵan úıdi salǵan kompanıa basshylyǵy turǵyndardy basqa páterge kóshirý múmkindiginiń joqtyǵyn aıtady, - dep habarlaıdy Qamshy.kz.

 «Astana-Qurylys» kompanıasynyń prezıdenti Bekbolat Amantýrın kompanıanyń turǵyndardy kóshirý týraly sheshim qabyldamaǵanyn aıtyp otyr. Al, buǵan deıin Almaty qalasy ákiminiń orynbasary Sultanbek Mákejanov apatty jaǵdaıdaǵy úıdiń súriletinin, al, turǵyndardy úıdi salǵan merdiger kompanıa basqa baspanamen qamtamasyz etý týraly sheshim shyǵarylǵanyn habarlaǵan edi.

«Ázirge ondaı sheshim joq. Taǵy qaıtalap aıtamyn, komısıa sheshiminsiz biz ondaı jaýapkershilikti moınymyzǵa ala almaımyz», - deıdi «Astana-Qurylys» kompanıasynyń prezıdenti Bekbolat Amantýrın.

Úı qurylysyna ketken shyǵyn somasyn aıtýdan bas tartqan kompanıa basshysy arnaıy komısıa kináli dep tapsa, bar aýyrtpalyqty kóteretinin aıtady.

«Qazir komısıa qorytyndysyn kútip otyrmyz. Eger bizdiń kompanıanyń kinási anyqtalsa, biz ony joqqa shyǵarmaımyz, shara qoldanamyz. Tek komısıa sheshimi shyqqannan soń», - deıdi ol.