QR premer-mınıstri Kárim Másimov Memleket basshysynyń Aqtóbedegi jaǵdaıdy jeke baqylaýynda ustap otyrǵanyn aıtty, - dep habarlaıdy Qamshy.kz Tengrinews.kz – ke silteme jasap. 

"Memleket basshysy bul máseleni baqylaýynda ustap otyr. Áleýetti organdar barlyq operasıalardy sońyna deıin júrgizýi tıis, ákimdikter men barlyq memlekettik organ tıisti sharalardy qabyldaýy qajet. Ary qaraı sheshim shyǵaramyz. Biz keshendi sharalar qabyldaýymyz kerek. Men bul máseleni Memleket basshysynyń tapsyrmasymen jeke baqylaýymda ustaımyn", - dedi premer-mınıstr.

Eske salsaq, keshe Aqtóbeniń úsh aýdanynda atys bolǵan edi. QR İİM ókilderi belgisizderdiń "Pallada" qarý-jaraq dúkenine shabýyl jasaǵany jaıly habar kelip túskenin habarlady. Sonymen qatar, taǵy bir qarý-jaraq dúkenine jáne áskerı bólimge shabýyl jasalǵany belgili boldy. Osydan keıin qalada terrorlyq qaýiptiń qyzyl deńgeıi belgilendi. Aıta keteıik, qaýiptiń shekti, ıaǵnı qyzyq deńgeıi jasalǵan terorızm aktisi týraly aqparat, sondaı-aq terorızm aktisin (aktilerin) qaıtalap jasaý nemese terorıstik turǵydan osal obektilerge bir mezgilde terorıstik shabýyldar jasaý múmkindigi týraly rastalǵan aqparat bolǵan kezde belgilenýi múmkin.