Aqtóbedegi teraktqa qatysty depýtattar da óz pikirin bildirdi. Aýǵan soǵysynyń ardageri Baqytbek Smaǵul lańkesterdiń áskerı obektini ádeıi tańdaǵanyn aıtady. Toleranttylyq dep tóbemizge shyǵaryp alǵan terrorısterdi organdar tekserip, tipti meshitke beınebaqylaý ornatý kerek dedi. Al general Baqytjan Ertaev polıseıler baryn saldy dese, Májilistegi ekinshi general Abaı Tasbolatov pikir bildirýden bas tartty, - dep habarlaıdy Qamshy.kz 31-arnaǵa silteme jasap.
BAQYTBEK SMAǴUL, QR Parlamenti májilisiniń depýtaty:
- Bul sol óńirlerdegi salafılik, vahabılik tanym ókilderiniń istegen is -áreketteri dep ashyq aıtýǵa tıistimiz. Qazirgi tańnyń ózinde batystan qanshama júzdegen azamattarymyz jat elde soǵysyp júr. Demek olardyń tamyry keńge jaıylǵan. Munyń barlyǵy qarapaıym halyqqa úreı týǵyzbas úshin ony túp-tamyrymen joıý kerek. Biz ondaı qatańdyqqa barýymyz kerek. Kimnen, qaıdan shyqty? Ony quqyq qorǵaý organdary túbegeıli zertteý kerek. Meshitterde vıdeokamera bolýy tıis!
BAQYTJAN ERTAEV, QR Parlamenti májilisiniń depýtaty:
- Mundaıdy jibermeý jalǵyz quqyq komıtetiniń paryzy emes, tártip saqshylarynyń paryzy emes, bárimizge qatysty.
Al, terakt kimniń qolymen jasaldy, atysqa qaı uıym jaýapty ekeni ázirge belgisiz. İshki ister mınıstri lańkesterdiń kim ekenin anyqtadyq degenimen, jaýapty organdardyń saıtynda kúdiktiler týraly aqparat joq. Al vatsap jelisi arqyly tarap jatqan myna habarlamada qylmysqa qatysy bolýy múmkin 20-ǵa jýyq azamatqa izdeý salynǵan. Sondaı-aq kúdiktiler Reseıge shyǵyp ketpeýi úshin Qostanaı oblysy qaýipsizdik sharalaryn kúsheıtken. Alaıda keı úkimet músheleri qylmyskerlerdiń atyn atap, túrin tústeýge asyqpaıyq dep otyr.
ARYSTANBEK MUHAMEDIULY, QR Mádenıet jáne sport mınıstri:
- Bular salafıtterge jatady nemese basqa aǵymǵa jetedi degen durys emes. Sondyqtan ótinish sizderge biz bir-birimizge kedergi jasamaı, quqyq qorǵaý organdaryna biz keńinen kómektesýimiz kerek. Sonda ǵana biz naqty aıta alamyz.
