«Nur Otan» partıasy Tóraǵasynyń Birinshi orynbasary Muhtar Qul-Muhammed pen Aqtóbe oblysynyń ákimi Berdibek Saparbaev lańkester qolynan qaza tapqan aqtóbelik azamattardyń otbasylaryna bardy, - dep habarlaıdy Qamshy.kz partıa saıtyna silteme jasap.
Atap aıtqanda, olar 2016 jylǵy 5 maýsymda qaza tapqan Nıkolaı Aleksandrovıch Onıshenko men Mıhaıl Vıtalevıch Matrosovtyń úıinde boldy.
Muhtar Qul-Muhammed pen Berdibek Saparbaev qaza tapqandardyń týǵan-týystary men jaqyndaryna Elbasynyń atynan kóńil aıtyp, barsha Qazaqstan halqynyń olardyń qaıǵylaryna ortaq ekendigin jetkizdi.
«Nur Otan» partıasy Tóraǵasynyń Birinshi orynbasary men oblys ákimi Aqtóbe qalasynda bolǵan jantúrshigerlik lańkestik oqıǵaǵa qatysy bar qylmyskerler zańmen qatal jazalanatynyn, qaza tapqandardyń otbasylaryna qoldaý men kómek kórsetiletinin aıtty.
«Prezıdent eshkimdi memleket nazarynan tys qaldyrmaýdy atap tapsyrdy», - dedi Muhtar Qul-Muhammed.
