Aqtóbe qalasyndaǵy Ulttyq ulannyń 6655 áskerı bóliminde bolǵan atysta qaza tapqan sardar Danıel Maılybaev búgin jer qoınyna tapsyryldy. Marqumnyń denesi týǵan jeri Almaty oblysynyń Talǵar aýdanyna ákelindi, - dep habarlaıdy Qamshy.kz.

Jerleý rásimine Almaty oblysynyń ákimi, oblystyq máslıhat hatshysy, «Nur Otan» partıasynyń ókilderi men áskerıler, marqumnyń týystary qatysty.

Talǵar aýdany basshylarynyń aıtýynsha, oblystyq búdjetten marqumnyń otbasyna 5 mıllıon teńge materıaldyq kómek pen Talǵar qalasynan kúzge taman páter beriledi.

Almatydaǵy UQK áskerı ınstıtýtynyń túlegi D. Maılybaev qyzmetke aralasqanyna bıyl 20 jyl tolǵan. Astana, Petropavl, Almaty, aqtóbe qalalarynda qyzmet etken. Marqumnyń anasy Gúlistan Alanbergenovanyń aıtýynsha, ol Aqtóbege Almatydan eki jyl buryn aýysyp barǵan kórinedi. Qaıǵyly oqıǵadan buryn marqum jaqyn kúnderi qaıtadan Almaty qalasyna qyzmet aýystyratynyn aıtyp júrgen kórinedi.

Marqumnyń artynda jubaıy men tórt balasy qaldy. Balalarynyń eń kishisi 8 aılyq, úlken qyzy 13 jasta eken.