Aqtóbede izdeý salynǵan kúdiktilerdiń biri Dmıtrıı Tańatarov búgin aýrýhanaǵa jetkizildi, - dep habarlaıdy Qamshy.kz.

Ol qalada tańerteń bolǵan arnaıy operasıa kezinde jaraqat alypty. Oblystyq densaýlyq saqtaý basqarmasyndaǵylar onyń jaǵdaıy aýyr ekenin, qazir operasıa jasalyp jatqanyn aıtqan.

Keshe osy D. Tańatarovtyń aǵasy Vladımır Tańatarov baýyryna vıdeoúndeý joldaǵan edi. Onda V. Tarakanov inisine qarýdy tastap, polısıaǵa berilýge keńes beredi.

Kúdiktiler qaladaǵy táýlik boıynsha jalǵa beriletin páterlerdiń birine jasyrynǵan kórinedi. Lańkester polısıanyń qarýdy tastap, berilý týraly talabyna qulaq aspaı, oq jaýdyrǵan. Arnaıy jasaq páterdi shabýyldaý barysynda qaraqshylardyń tórteýin óltirgen. Búgin qalanyń basqa aýdanynda taǵy bir kúdiktiniń polısıa kóligin atqylaǵany, polısıa jaýap retinde atqan oqtan qaza tapqany belgili boldy. Qaraqshynyń oǵy eki polısıa qyzmetkerin jaralaǵan.

Esterińizge salsaq, 5 maýsymda Aqtóbede bolǵan lańkestik shabýyldan 7 adam qaza bolyp, 38 adam jaraqat aldy. Sodan beri polısıa 18 qylmyskerdiń kózin joıǵan. 9 qylmysker ustalǵan. Áli ekeýi boı tasalap júr. Olar týraly málimet usynǵan adamǵa 5 mln teńge kóleminde syıaqy taǵaıyndalyp otyr.