5 maýsymda Aqtóbede bolǵan qandy qyrǵynǵa qatysy bar degen kúdiktilerdiń búgingi kúni 18-i óltirildi, - dep habarlaıdy Qamshy.kz.

Ol on segiz adamnyń 17-i terrorıst, bireýiniń olarǵa kómek kórsetpek bolǵan sybaılasy ekenin aıtady quqyqqorǵaý organdary. Endi sol oqıǵalardyń hronologıasyna toqtalaıyq.

5 maýsym kúni «Pantera» dúkeninde úsh terorıst óltirildi. 6655 áskerı bólimine shabýyl kezinde taǵy bireýi joıyldy. Keıin qarýly qurylymdar taǵy ekeýin óltirgeni habarlandy. Sóıtip, 5 maýsymda barlyǵy alty adam óltirilip, jeteýi qolǵa tústi, onyń ekeýi jaraqattanǵan.

6 maýsym. İİM resmı ókili Almas Sadýbaev túngi bolǵan jedel izdestirý sharalary barysynda qarsylyq tanytqan taǵy bes terrorıst týraly málimdedi. Sóıtip, qandy oqıǵanyń ekinshi kúni qaza bolǵan kúdiktiler sany 11-ge ósti, 9 toǵyz adam ustaldy.

7 maýsym. İİM terorıster týraly jańartylǵan málimetter usyndy. A. Sadýbaev sol kúnge deıin barlyǵy 13 qylmyskerdiń óltirilgenin aıtty.

9 maýsym. İİM arnaıy qyzmettermen birlesip boı tasalap júrgen alty qylmyskerdi izdeý júrip jatqanyn habarlady.

10 maýsym. Aqtóbede kúshtik qurylymdar taǵy bir arnaıy operasıa ótkizdi. Kóp qabatty úılerdiń birindegi páterge jasyrynǵan 4 lańkestik óltirilgeni habarlandy. Bul tórteýden basqa, osy kúni qalanyń basqa bóliginde taǵy bir qylmysker óltirilgen.

Osylaısha, qazirgi tańda kúdiktiler ishinde óltirilgender sany 18 adamdy qurap otyr. Ustalǵandar 9 bolsa, taǵy ekeýi bostandyqta kórinedi.

5 maýsym kúni bolǵan teraktide qarýly qylmyskerler qolynan 7 adam (onyń úsheýi - áskerıler) qaza taýyp, 38 adam jaraqat aldy.

UQK buıryǵymen el boıynsha lańkestik qaýiptiliktiń «sary deńgeıi» engizildi.