Aqtóbedegi teraktqa qatysy bar dep izdeý jarıalanǵandar tiziminen taǵy da shý shyqty, – dep habarlaıdy Qamshy.kz.

Aqtóbe qalasynyń turǵyny ózin polısıa taratqan «kózi joıylǵandar tiziminen» taýyp otyr. Polısıa «óltirip tastaǵan» jigittiń vıdeo málimdemesi aktobe_zello tobynda jarıalandy.

Ýaısov Danıar Ramazanuly degen jigit óziniń Aqtóbede turatynyn, óziniń qaıtys bolǵandarǵa eshqandaı da qatysy joq ekenin aıtady.

«Búgin 2016 jylǵy 12 maýsym. BAQ pen ınternet betterinde meniń 5 maýsymda Aqtóbede shabýylǵa qatysy bar qylmysker retinde óltirilgen bandıtterdiń qatarynda bar dep habarlama berdi. Ózderińiz kórip otyrǵandaı men vıdeo túsirip otyrmyn, ıaǵnı tirimin. Sondyqtan, osyǵan baılanysty keshirim suraýdy jáne ózim týraly jalǵan aqparatty joqqa shyǵarýdy talap etemin», - deıdi ol.

Buǵan deıin qaladaǵy lańkestikke qatysy joq, alaıda kúdiktiler tizimine engen Samat, Sanat Qojanıazovtar týraly aqparat taraǵan bolatyn.