Láısıra Alagózova Tursynǵalı Alagózovpen ajyrasý týraly aryzdyn qaıtaryp aldy, - dep habarlaıdy Tengrinews.kz. Bul týraly Almaty qalalyq Bostandyq aýdandyq sotynyń ókilderi habarlady.

Sottaǵylardyń aıtýynsha, birinshi bolyp ajyrasý týraly aryzdy 1 aqpanda Tursynǵalı Alagózovtiń áıeli Láısıra Alagózova bergen. "7 aqpanda azamattyq istiń materıaldaryn sotqa daıyndaý týraly sheshim qabyldanǵan. Osydan keıin taraptar 14 aqpanda sotqa shaqyrtylǵan. Keıin 17 aqpanda sottyń keńsesi arqyly shaǵymdanýshydan, ıaǵnı Alagózovadan shaǵym-talapty qaraýsyz qaldyrý boıynsha ótinish kelip tústi. 23 aqpanda sýdıa isti qaraýsyz qaldyrý týraly sheshim shyǵardy. Osylaısha ónidiris toqtatyldy", - dep habarlady sottaǵylar.

Al 14 aqpanda Tursynǵalı Alagózovten sotqa ajyrasý týraly aryz talap túsken. "Sol kúni azamattyq istiń materıaldaryn sotqa daıyndaý týraly sheshim qabyldanǵan. Taraptar 1 naýryzǵa sotqa shaqyrtylǵan. Osydan keıin Alagózovten taraptardyń tatýlasýyna baılanysty shara qabyldaý týraly ótinish túsken. Búgin taraptarmen áńgime jumystary júrgizildi. Al 9 naýryzda taraptardyń tatýlasýy máselesi qarastyrylady", - dep habarlady sottaǵylar. 

Eske salaıyq, osyǵan deıin Baıan Esentaeva men Tursynǵalı Alagózov birigip bergen alǵashqy suhbatynda tanystyqqa tis dárigeriniń qandaı qatysy bar ekenin, 10 maýsymdaǵy atyshýly oqıǵany qalaı bastan ótkergenin jáne alǵa qandaı jospar qoıyp otyrǵanyn aıtyp bergen edi. Osy suhbatynda Alagózov ajyrasý ústinde ekenin málimdegen bolatyn.