Ǵasyr jasaǵan keıýananyń aǵzasy jasarýǵa kóshti. Mamandardyń aıtýynsha, tis-jaqtyń damýy eki kezeńmen júredi. Ol sút tisterdiń jáne turaqty tisterdiń shyǵýy. Sondyqtan, keıýananyń boıyndaǵy ózgeris dárigerlerdi de tańǵaldyrdy, dep habarlaıdy Qazaqstan ulttyq arnasy.

Raýshan ájege bir aıdyń ishinde eki tis shyqty. Biraq onyń ózi ońaıǵa soqqan joq, mazasy ketti, dene qyzý kóterildi. Tańdaıy isip, tamaq ishýi qıyndady. Ózi de qınaldy, ózgelerdi de ábigerge saldy. Qazir de áje eshteńeni de jaqtyryp turǵan joq.

«Bastapqyda baıqaǵan joqpyz. Maza ketip aýyra bastady. Úsh kúnnen keıin qyzyl ıegin jaryp eki tis shyqty», – deıdi kelini Maıra Sháripqyzy.

Mamandardyń aıtýynsha, tis jaqtyń damýy eki kezeńmen júredi. Ol sút tisterdiń jáne turaqty tisterdiń shyǵýy. Sondyqtan keıýananyń boıyndaǵy ózgeris dárigerlerdi de tańǵaldyrdy. Ájeıdiń budan bólek aǵarǵan shashy da qaraıa bastady. Muny kún saıyn shashyn taraıtyn nemeresi birinshi bolyp baıqaǵan.

«Bul ózgeris ájeniń densaýlyǵynyń jaqsy bolýynan dep oılaımyz. Sebebi bul kisi bizde eshqandaı aýrýmen esepte turǵan joq. Eshqandaı dári qabyldamaıdy. Júrek, baýyr, búırek sekildi ishki aǵza músheleri qalypty degen sóz», – deıdi dáriger Jazıra Aǵaıdarova.

Jalpy álemdik tájirıbede adam kútiner bolsa, eki júz jylǵa deıin ómir súre alady. Al qaıta jasarý prosesi kez kelgen adamda bolmaıdy.

Buǵan deıin dárigerler mundaı qubylysty Jańaqorǵan aýdanynyń 101 jastaǵy turǵynynan baıqasa, bul ekinshi jaǵdaı bolyp otyr.