Qazaqstanda geı, lesbı jáne bıseksýaldardyń quqyǵyn qorǵaıtyn Kok.team atty jańa saıt ashyldy. Soraqysy bul saıttyń basty betinde qazaqtyń uly aqyny Abaı Qunanbaevtyń qara sózi jazylǵan. Qazaqstandyq geılerdiń portaly Abaıdyń sózin ózderine uran etip alypty, dep habarlaıdy "Qamshy" portaly.

"Adam ata-anadan týǵanda esti bolmaıdy: estip, kórip, ustap, tatyp eskerse, dúnıedegi jaqsy, jamandy tanıdy daǵy, sondaıdan bilgeni, kórgeni kóp bolǵan adam bilimdi bolady. Estilerdiń aıtqan sózderin eskerip júrgen kisi ózi de esti bolady", - dep Abaı Qunanbaıulynyń sózin keltirip qoıypty.

Geı, lesbı jáne bıseksýaldarǵa arnalǵan atalmysh saıt 1 naýryzdan óz jumysyn bastaǵan. Endi olardyń máselesine qatysty túrli maqalalar eshbir máselesiz jarıalanatyn bolady.

Saıty ashýshylar munyń qajettiligin bylaı dep túsindirgen:

Qazaqstandyqtardyń arasynda orta eseppen 7-10 paıyzy dástúrli emes jynystaǵy adamdar (ártúrli jastaǵy jalpy sany 1,5 mıllıon adam).

Onyń ústine qazirgi tańda elimizde sol topqa arnalǵan osy taqyryptaǵy qyzyqty resýrstar joqtyń qasy.

Geı, lesbı jáne bıseksýaldar ómiri týraly saıtty eriktiler jasap shyqty.

Joba avtorlary portalda geı, lesbı, bıseksýaldardyń ómiri men zertteý nátıjelerin jarıalaıdy.