Bul meıirimdi, janashyr, maqtaýǵa turarlyq er azamattyń esimi Patrık Kılonzo Mvalýa. Ol jyl boıy jabaıy ańdardy ólimnen qutqaryp kelgen.

Kenıada bir jyl boıyna jańbyr jaýmaǵandyqtan, qala saıabaqtaryn shól basty. Kenıalyq turǵyn bul jaǵdaıdy eskerip, shara qoldanýǵa kiristi.

Aldymen, Patrık ár aýdannyń saıabaǵyna sý tasý úshin júk kóligin jalǵa aldy.

Ár kúnin júk kóligimen qalanyń ár saıabaǵyn aralap, jabaıy ańdarǵa sý tasýmen ótkizip júrdi.

Pilder, eneke, bókender, ala qulandar, saıabaqtyń bar jabaıy ańdary Patrıkke baýyr basyp qalǵan.

Tipti, ańdar óz qutqarýshylarynyń jolyn tosyp júredi eken. Avtokóliktiń daýysyn estise, eleń ete qalatyn kórinedi.

 Taǵy bir júk kóligi kerek bolǵandyqtan, Patrık halyqtan kómek surady. Bul ótinishine adamdar kómektesýge daıyn boldy. Máselen, AQSH-tyq úsh áıel áleýmettik jeli arqyly 18 myń dollar jınap bergen. Bul aqsha qosymsha júk kólikterine jumsalatyn bolady. Meıirimdi jandardyń janýarlar ómirine beıjaı qaramaýy Patrıkti qýantty.

Budan bólek, Patrık basqa da is-sharalarmen aınalysady eken. «Savo meıirimdileri» jobasynyń jetekshisi retinde, mektepterdi aralap, oqýshylardy meıirimdilikpen aınalysýǵa shaqyrady.

Derekkóz: Lemýrov.net