Almatydaǵy Ahmet Baıtursynuly mýzeıinde Alash Arystarynyń 100 jyldyǵyna arnalyp as berildi. Asqa Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly qatysyp, Alash qaıratkerleriniń rýhyna quran oqyp, bata jasady. 

Osynaý asty Qamshy.kz aqparattyq agenttigi uıymdastyrǵan. Igi sharany jýrnalıs Bolat Múrsálim júrgizdi. Sharaǵa Alashtanýshy ǵalymdar men zıaly qaýym ókilderi, jýrnalıser qatysty. Sondaı-aq, asqa Almaty qalasy ákiminiń orynbasary Sultanbek Mákejanov qatysyp, Alash Arystaryna arnalǵan astyń Alash Ordanyń 100 jyldyǵyn toılaýdyń bastamasy ekenin eske salyp, qutty bolsyn aıtty. Zıaly qaýym ókilderi Alash arystarynyń ǵıbratty ǵumyrlary týraly sóz sóılep, estelikterimen bólisti. Aıta keter bolsaq, sóz alǵandardyń barlyǵy Alashtyń toıyna bastama bolyp jatqan «Qamshy» portalyna, portaldyń jetekshisi Bilál Qýanyshqa alǵystaryn aıtty. Shara sońynda qonaqtarǵa arnalyp shaǵyn koserttik qoıylym boldy.  «Turan toby», «Alash uly» toby, Bıbigúl Qılymhan sıaqty óner juldyzdary ánnen shashý shashty.

QMDB Baspasóz qyzmeti

Muftyat.kz